Wednesday, November 21

സസ്പെൻസുകൾ ഒളിപ്പിച്ച് ‘സ്വാതന്ത്ര്യം അർദ്ധരാത്രിയിൽ’ ; മോഷൻ ടീസർ പുറത്ത്

Google+ Pinterest LinkedIn Tumblr +
Want create site? Find Free WordPress Themes and plugins.

‘അങ്കമാലി ഡയറീസ്’ എന്ന ചിത്രം സിനിമാലോകത്തിന് സംഭാവന ചെയ്‌ത താരമായ ആന്റണി വർഗീസ് നായകനായെത്തുന്ന ‘സ്വാതന്ത്ര്യം അർദ്ധരാത്രിയിൽ’ എന്ന ചിത്രത്തിന്റെ മോഷൻ ടീസർ പുറത്തിറങ്ങി. ടൊവിനോ തോമസാണ് തന്റെ ഫേസ്ബുക്ക് പേജിലൂടെ ടീസർ പുറത്തുവിട്ടിരിക്കുന്നത്. സസ്പെൻസുകൾ ഒളിപ്പിച്ച് സിനിമാപ്രേമികൾക്ക് ഏറെ ആകാംക്ഷ ഉയർത്തുന്ന രീതിയിലാണ് ടീസർ പുറത്തുവിട്ടിരിക്കുന്നത്. കോട്ടയത്തിന്റെ പശ്ചാത്തലത്തില്‍ ഒരുങ്ങുന്ന ചിത്രത്തിൽ ഒറ്റ രാത്രിയില്‍ നടക്കുന്ന സംഭവങ്ങളും തുടര്‍ന്നുള്ള പ്രശ്‌നങ്ങളുമാണ് പറയുന്നത്.

സ്വാതന്ത്ര്യം അർദ്ധരാത്രിയിൽ – Freedom @ Midnight – Motion Teaser

Presenting the motion teaser of 'സ്വാതന്ത്ര്യം അർദ്ധരാത്രിയിൽ' – Freedom @ Midnight. Best wishes to Team #SwathanthryamArdharathriyil 🙂 #MotionTeaser

Posted by Tovino Thomas on Sunday, December 31, 2017

ടിനു പാപ്പച്ചന്‍ സംവിധാനം ചെയ്യുന്ന ചിത്രത്തിന്റെ തിരക്കഥ ഒരുക്കിയിരിക്കുന്നത് ദിലീപ് കുര്യനാണ്.
സംവിധായകന്‍ ബി ഉണ്ണിക്കൃഷ്ണൻ ആദ്യമായി നിർമ്മാതാവിന്റെ വേഷം അണിയുന്നു എന്ന പ്രത്യേകതയും ചിത്രത്തിനുണ്ട്. പുതുമുഖമായിരിക്കും ചിത്രത്തിലെ നായിക എന്നാണ് സൂചന. വിനായകന്‍, ചെമ്പന്‍ വിനോദ്, അങ്കമാലി ഡയറീസില്‍ അഭിനയിച്ച ടിറ്റോ വില്‍സണ്‍ എന്നിവരും ചിത്രത്തില്‍ പ്രധാന വേഷങ്ങൾ അവതരിപ്പിക്കുന്നു.

അങ്കമാലി ഡയറീസ് എന്ന ചിത്രത്തിലൂടെ നിരവധി ആരാധകരെ നേടിയെടുത്ത താരമാണ് ആന്റണി വർഗീസ്. ആന്റണി അവതരിപ്പിച്ച ‘പെപ്പെ’ എന്ന കഥാപാത്രം പ്രേക്ഷകശ്രദ്ധ നേടിയിരുന്നു. തുടർന്ന് ആന്റണിയെത്തേടി നിരവധി ഓഫറുകള്‍ എത്തിയിരുന്നുവെങ്കിലും മികച്ച അവസരത്തിനായി കാത്തിരുന്ന താരം ‘സ്വാതന്ത്ര്യം അർദ്ധരാത്രിയിൽ’ എന്ന ചിത്രത്തിൽ അഭിനയിക്കാൻ തീരുമാനിക്കുകയായിരുന്നു. അതുകൊണ്ടുതന്നെ ചിത്രത്തിനായുള്ള പ്രതീക്ഷകളും ഏറുകയാണ്.

Did you find apk for android? You can find new Free Android Games and apps.
Share.

About Author

mm