മെഗാസ്റ്റാറിന്റെ പേരന്പ് ട്രൈലറിന് ഗംഭീര സ്വീകരണം നൽകി സോഷ്യൽ മീഡിയ; റിലീസ് ഫെബ്രുവരിയിൽ..!

Advertisement

മെഗാസ്റ്റാർ മമ്മൂട്ടിയുടെ തമിഴ് ചിത്രമായ പേരന്പ് റിലീസിന് മുൻപ് തന്നെ ഏറെ പ്രശംസകൾ നേടിയെടുത്ത ചിത്രമാണ്. വിവിധ ഫിലിം ഫെസ്റ്റിവലുകളിൽ പ്രദർശിപ്പിച്ച ഈ ചിത്രം ഇതിന്റെ പ്രമേയം കൊണ്ടും സംവിധാന മികവ് കൊണ്ടും അതുപോലെ തന്നെ മമ്മൂട്ടി, സാധന എന്നിവരുടെ അഭിനയ മികവ് കൊണ്ടും ഏറെ ശ്രദ്ധ നേടിയെടുത്തിരുന്നു. ഇന്നലെയാണ് ഈ ചിത്രത്തിന്റെ ട്രൈലെർ റിലീസ് ചെയ്തത്. മികച്ച പ്രതികരണമാണ് പേരന്പിന്റെ ട്രെയിലറിന് സോഷ്യൽ മീഡിയയിൽ നിന്ന് ഇപ്പോൾ ലഭിച്ചു കൊണ്ടിരിക്കുന്നത്. വളരെ ആകാംഷ ജനിപ്പിക്കുന്ന ഒരു ട്രൈലെർ ആണ് ഈ ചിത്രത്തിന്റേതായി പുറത്തു വന്നിട്ടുള്ളതു. അടുത്ത മാസം ഈ ചിത്രം ലോകം മുഴുവൻ റിലീസ് ചെയ്യും എന്നുള്ള വിവരവും ട്രൈലെർ നമ്മുക്ക് നൽകുന്നുണ്ട്.

Advertisement

അമുദൻ എന്ന കഥാപാത്രം ആയി എത്തുന്ന മമ്മൂട്ടിയുടെ അടുത്ത കാലത്തേ ഏറ്റവും മികച്ച പ്രകടനം ആയിരിക്കും ഈ ചിത്രത്തിൽ കാണാൻ കഴിയുക എന്ന സൂചനയും ഈ ട്രൈലെർ നമ്മുക്ക് നൽകുന്നു. മമ്മൂട്ടിയോടൊപ്പമോ അതിനു മുകളിലോ നിൽക്കുന്ന പ്രകടനമാണ് സാധന എന്ന പെൺകുട്ടി നൽകിയിരിക്കുന്നത് എന്നും റിപ്പോർട്ടുകൾ വന്നിരുന്നു. തങ്കമീങ്കൾ എന്ന ചിത്രത്തിലൂടെ ദേശീയ പുരസ്‍കാരം കരസ്ഥമാക്കിയ തമിഴ് സംവിധായകൻ റാം  ഒരുക്കിയ ഈ ചിത്രം ശ്രീ രാജലക്ഷ്മി ഫിലിമ്സിന്റെ ബാനറിൽ പി എൽ തേനപ്പൻ ആണ് നിർമ്മിച്ചിരിക്കുന്നത്. അഞ്ജലി, സുരാജ് വെഞ്ഞാറമൂട്, സമുദ്രക്കനി എന്നിവരും അഭിനയിച്ചിരിക്കുന്ന ഈ ചിത്രത്തിന് സംഗീതം പകർന്നിരിക്കുന്നത് യുവാൻ ശങ്കർ രാജ ആണ്. ശ്രീകർ പ്രസാദ് ആണ് ഈ ചിത്രത്തിന്റെ എഡിറ്റിംഗ് നിർവഹിച്ചിരിക്കുന്നത്. 

Advertisement

Copyright © 2017 onlookersmedia.

Press ESC to close