Thursday, May 24

മീശ പിരിച്ച് ചാക്കോച്ചൻ; ആക്ഷനും നർമ്മവും കോർത്തിണക്കി ‘ശിക്കാരി ശംഭു’ ട്രെയിലർ പുറത്ത്

Google+ Pinterest LinkedIn Tumblr +
Want create site? Find Free WordPress Themes and plugins.

ഒാര്‍ഡിനറി, മധുര നാരങ്ങ എന്നീ ഹിറ്റ് ചിത്രങ്ങള്‍ക്ക് ശേഷം കുഞ്ചാക്കോ ബോബനും സുഗീതും ഒന്നിക്കുന്ന ‘ശിക്കാരി ശംഭു’വിന്റെ ട്രെയിലർ പുറത്ത്. ഉദ്യോഗം ജനിപ്പിക്കുന്ന ദൃശ്യങ്ങളും നർമ്മമുഹൂർത്തങ്ങളും കൂട്ടിയിണക്കിയാണ് അണിയറപ്രവർത്തകർ ട്രെയിലർ പുറത്തുവിട്ടിരിക്കുന്നത്. പുലിവേട്ടക്കാരനെന്ന് സ്വയം അവകാശപ്പെടുന്ന രണ്ട് യുവാക്കൾ പുലി ശല്യമുള്ള ‘കുരുതിമലക്കാവ്’ എന്ന ഗ്രാമത്തിലേക്കെത്തുന്നതും തുടർന്നുണ്ടാകുന്ന സംഭവങ്ങളുമാണ് ചിത്രത്തിന്റെ പ്രമേയം.

പീലിപ്പോസ് എന്ന പീലിയെയാണ് കുഞ്ചാക്കോ ബോബൻ ഈ സിനിമയിൽ അവതരിപ്പിക്കുക. കട്ടപ്പനയിലെ ഹൃത്വിക് റോഷൻ ഫെയിം വിഷ്‌ണു ഉണ്ണികൃഷ്‌ണനും മറ്റൊരു പ്രധാനവേഷത്തിലെത്തുന്നു. ശിവദയാണ് കുഞ്ചാക്കോ ബോബന്റെ നായിക. പുതുമുഖം അൽഫോൺസയാണ് വിഷ്‌ണുവിന്റെ ജോഡിയായി എത്തുന്നത്. ഹരീഷ് കണാകരന്‍ , ധര്‍മജന്‍ ബോള്‍ഗാട്ടി, മണിയൻപിള്ള രാജു, സലിം കുമാർ എന്നിവരാണ് ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നത്.

കോതമംഗലത്തും പരിസരപ്രദേശങ്ങളിലുമായാണ് ചിത്രത്തിന്റെ ഷൂട്ടിംഗ് പൂർത്തിയാക്കിയിരിക്കുന്നത്. ചിത്രത്തിന്റെ തിരക്കഥയും സംഭാഷണങ്ങളും ഒരുക്കിയിരിക്കുന്നത് നിഷാദ് കോയയാണ്. ഛായാഗ്രഹണം ഫൈസല്‍ അലിയും ചിത്രസംയോജനം വി സാജനുമാണ് നിര്‍വഹിച്ചിരിക്കുന്നത്. ശ്രീജിത്ത് ഇടവനയാണ് ചിത്രത്തിലെ ഗാനങ്ങൾക്ക് സംഗീതം നൽകിയിരിക്കുന്നത്. എയ്ഞ്ചല്‍ മരിയ സിനിമാസിന്റെ ബാനറില്‍ എസ്‌കെ ലോറന്‍സാണ് ചിത്രം നിര്‍മിക്കുന്നത്. ജനുവരിയോടെ 12 ‘ശിക്കാരി ശംഭു’ തിയറ്ററുകളിലെത്തുമെന്നാണ് പ്രതീക്ഷ.

Did you find apk for android? You can find new Free Android Games and apps.
Share.

About Author

mm