മണിക്കൂറുകൾക്കുള്ളിൽ 5 ലക്ഷം കാഴ്ചക്കാരെ സ്വന്തമാക്കി സ്‌കൂൾ ഡയറീസിലെ ഗാനം ശ്രദ്ധേയമാകുന്നു..

Advertisement

മണിക്കൂറുകൾക്കുള്ളിൽ തന്നെ 5 ലക്ഷം കാഴ്ചക്കാരെ സ്വന്തമാക്കി വലിയ മുന്നേറ്റം നടത്തിയിരിക്കുകയാണ്. സ്‌കൂൾ ഡയറീസ് എന്ന ഈ കൊച്ചു ചിത്രം നവാഗത സംവിധായകൻ എം. ഹാജമൊയ്നു ആണ് ഒരുക്കിയിരിക്കുന്നത്. ചിത്രത്തിൽ പുതുമുഖ താരങ്ങളാണ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. ചിത്രത്തിലേതായി കഴിഞ്ഞ ദിവസം പുറത്തിറങ്ങിയ ഗാനമാണ് ഇതിനോടകം ഹിറ്റായി മാറിയിരിക്കുന്നത്.

അല്ലെല്ലം ചൊല്ലി എന്നു തുടങ്ങുന്ന ഗാനം ആലപിച്ചിരിക്കുന്നത് നയന നായരാണ്. മലയാളികളുടെ പ്രിയങ്കരനായ ഗായകൻ എം. ജി. ശ്രീകുമാറാണ് ചിത്രത്തിന് സംഗീത സംവിധാനം നിർവ്വഹിച്ചിരിക്കുന്നത്. എം. ജി. ശ്രീകുമാർ ആലപിച്ച ഗാനം വലിയ ഹിറ്റായി മാറിയിരുന്നു. അക്ഷരക്രമത്തിൽ ചിട്ടപ്പെടുത്തിയ ഗാനം അന്ന് സോഷ്യൽ മീഡിയയിൽ വലിയ തരംഗമായി മാറിയിരുന്നു. അതിനുശേഷമാണ് പുതിയ ഗാനം കഴിഞ്ഞ ദിവസം പുറത്തിറങ്ങിയത്.

Advertisement

സംവിധായകനായ എം. ഹാജമൊയ്നു തന്നെയാണ് ചിത്രത്തിന് തിരക്കഥ രചിച്ചിരിക്കുന്നത്. സ്കൂൾ പശ്ചാത്തലത്തിൽ കഥ പറയുന്ന ചിത്രം സസ്പെൻസ് ത്രില്ലറാണ്. സ്കൂളിൽ നടക്കുന്ന തിരോധാനവും അതിനെ തുടർന്നുണ്ടാകുന്ന സംഭവവികാസങ്ങളുമാണ് ചിത്രത്തിൽ പങ്കുവയ്ക്കുന്നത്. ആക്ഷന് പ്രാധാന്യം നൽകിക്കൊണ്ട് തന്നെയാണ് ചിത്രം ഒരുക്കിയിരിക്കുന്നത്. ചിത്രത്തിൽ പുതുമുഖ താരങ്ങളായ ആന്റണി, ബിസ്മിൻ ഷാ, സിദ്ധാർത്ഥ്, ഗോകുൽ തുടങ്ങിയവരാണ് ചിത്രത്തിലെ നായകന്മാരായി എത്തുന്നത്. അർച്ചന, യമുന, റിമ, ഇന്ദു തുടങ്ങിയവരാണ് ചിത്രത്തിലെ നായികമാർ. ജി. കെ നന്ദകുമാർ ആണ് ചിത്രത്തിന്റെ ഛായാഗ്രഹണം നിർവഹിക്കുന്നത്. മസ്കറ്റ് മൂവി മേക്കേഴ്സ് നിർമിച്ച ചിത്രം മെയ് 11ന് തിയേറ്ററുകളിലെത്തും.

Advertisement

Copyright © 2017 onlookersmedia.

Press ESC to close