തീയേറ്ററുകളിൽ ആവേശം പടർത്തിയ ലൂസിഫർ സോങ് എത്തി; സ്റ്റീഫൻ നെടുമ്പള്ളി കൊടുങ്കാറ്റാവുന്നു..!

Advertisement

ലൂസിഫർ എന്ന മോഹൻലാൽ ചിത്രം മലയാള സിനിമയിലെ എക്കാലത്തെയും വലിയ ബോക്സ് ഓഫീസ് വിജയത്തിലേക്ക് കുതിക്കുകയാണ്. സ്റ്റീഫൻ നെടുമ്പള്ളി എന്ന മോഹൻലാൽ കഥാപാത്രം ആവേശത്തിന്റെ അലകടൽ സൃഷ്ടിക്കുകയാണ് ലോകമെമ്പാടുമുള്ള തീയേറ്ററുകളിൽ . കേരളത്തിൽ അക്ഷരാർത്ഥത്തിൽ ഒരു കൊടുങ്കാറ്റു പോലെയാണ് സ്റ്റീഫനും ലൂസിഫർ എന്ന സിനിമയും ആഞ്ഞടിക്കുന്നതു. ഇപ്പോഴിതാ തീയേറ്ററുകളിൽ തീ പടർത്തിയ ലൂസിഫെറിലെ ആ ഗാനത്തിന്റെ ലിറിക് വീഡിയോ എത്തി കഴിഞ്ഞു. മോഹൻലാലിന്റെ ഈ ചിത്രത്തിലെ ആദ്യ സംഘട്ടനത്തിനു അകമ്പടി ആയെത്തിയ തമിഴ് സോങ് ലിറിക് വീഡിയോ ആണ് ഇന്ന് റിലീസ് ചെയ്തത്. തീയേറ്ററുകളിൽ ആവേശത്തിന്റെ അണപൊട്ടിയൊഴുക്കിയപ്പോൾ പലർക്കും ഈ ത്രസിപ്പിക്കുന്ന ഗാനം കേൾക്കാനാവാത്ത പോയി എന്ന സങ്കടം ഇപ്പോൾ മാറി എന്ന് പറയാം.

Advertisement

കിടിലൻ വരികളും അതിലും ആവേശം ജനിപ്പിക്കുന്ന സംഗീതവും അതിനൊപ്പം മോഹൻലാലിന്റെ വിസ്മയിപ്പിക്കുന്ന സംഘട്ടനവും ആണ് ഈ ഗാനത്തെ സൂപ്പർ ഹിറ്റ് ആക്കിയത്. ലോഗൻ വരികൾ എഴുതിയ ഈ ഗാനം ആലപിച്ചത് കാർത്തിക് ആണ്. ഭരദ്വാജ് ആണ് ഈ ഗാനത്തിന് റാപ് മിക്സ് ചെയ്തിരിക്കുന്നത്. ഏതായാലും റിലീസ് ചെയ്തു നിമിഷങ്ങൾക്കുള്ളിൽ ഈ ലിറിക് വീഡിയോ സോഷ്യൽ മീഡിയയിൽ വൈറൽ ആയി കഴിഞ്ഞു. കടവുളേ പോലെ കാപ്പവനിവൻ എന്ന് തുടങ്ങുന്ന ഈ ഗാനം മോഹൻലാൽ ആരാധകരെയും സിനിമാ പ്രേമികളെയും ഒരുപോലെ ആവേശം കൊള്ളിക്കുകയാണ്. യുവ സൂപ്പർ താരം പൃഥ്വിരാജ് സുകുമാരൻ സംവിധാനം ചെയ്ത ലൂസിഫർ രചിച്ചത് മുരളി ഗോപിയും നിർമ്മിച്ചത് ആന്റണി പെരുമ്പാവൂരും ആണ്.  റെക്കോർഡ് കളക്ഷൻ ആണ് ഇപ്പോൾ ഈ ചിത്രം നേടുന്നത്. 

Advertisement

Copyright © 2017 onlookersmedia.

Press ESC to close