Friday, February 22

പ്രേക്ഷക ഹൃദയം കവർന്നു തേൻ പനിമതിയെ സോങ്..കോടതി സമക്ഷം ബാലൻ വക്കീലിലെ ആദ്യ വീഡിയോ സോങ് എത്തി;

Google+ Pinterest LinkedIn Tumblr +
Want create site? Find Free WordPress Themes and plugins.


ജനപ്രിയ നായകന്റെ പുതിയ ചിത്രമായ കോടതി സമക്ഷം ബാലൻ വക്കീൽ അടുത്തയാഴ്ച റിലീസ് ചെയ്യാൻ പോവുകയാണ്. ഈ ചിത്രത്തിന്റെ ട്രൈലെർ, ഓഡിയോ സോങ്‌സ് എന്നിവ ഇപ്പോഴേ സോഷ്യൽ മീഡിയയിൽ ഏറെ ശ്രദ്ധ നേടി കഴിഞ്ഞു. ഇപ്പോഴിതാ ഈ ചിത്രത്തിലെ ആദ്യ വീഡിയോ സോങ് റിലീസ് ചെയ്തു കഴിഞ്ഞു. തേൻ പനിമതിയെ എന്ന് തുടങ്ങുന്ന ഗാനത്തിന്റെ വീഡിയോ ആണ് ഇന്ന് റിലീസ് ചെയ്തിരിക്കുന്നത്. രാഹുൽ രാജ് ഈണം പകർന്ന ഈ ഗാനം രചിച്ചിരിക്കുന്നത് ഹരിനാരായണനും പാടിയിരിക്കുന്നത് ഹരിശങ്കറും ആണ്. വളരെ മനോഹരമായ ഒരു മെലഡി ആയാണ് ഈ ഗാനം ഒരുക്കിയിരിക്കുന്നത്.


മനോഹരമായ ദൃശ്യങ്ങൾ ആണ് ഈ ഗാനത്തിന്റെ പ്രത്യേകത എന്ന് പറയാം. ബി ഉണ്ണികൃഷ്ണൻ രചിച്ചു സംവിധാനം ചെയ്ത ഈ ചിത്രം നിർമ്മിച്ചിരിക്കുന്നത് ബോളിവുഡ് സിനിമാ നിർമ്മാണ കമ്പനിയായ വയാകോം മോഷൻ പിക്ചേഴ്സ്  ആണ്. അവരുടെ മലയാളത്തിലെ ആദ്യത്തെ നിർമ്മാണ സംരംഭം ആണീ ചിത്രം. അഖിൽ ജോർജ് ഛായാഗ്രഹണം നിർവഹിച്ച ഈ ചിത്രം എഡിറ്റ്  ചെയ്തിരിക്കുന്നത് ഷമീർ മുഹമ്മദ് ആണ്. മമത മോഹൻദാസും പ്രിയ ആനന്ദും നായികാ വേഷങ്ങളിൽ എത്തിയിരിക്കുന്ന ഈ ചിത്രത്തിൽ അജു വർഗീസ്, സൈജു കുറുപ്പ്, സിദ്ദിഖ് എന്നിവരും അഭിനയിച്ചിട്ടുണ്ട്. ബാലകൃഷ്ണൻ എന്ന് പേരുള്ള വിക്കുള്ള ഒരു  വക്കീൽ ആയാണ് ദിലീപ് ഈ ചിത്രത്തിൽ അഭിനയിക്കുന്നത്. ചിത്രത്തിലെ ഗാനങ്ങൾ കോർത്തിണക്കിയ യൂട്യൂബ് ജൂക്ബോക്സിന് വമ്പൻ പ്രേക്ഷക പ്രതികരണം ആണ് ലഭിച്ചത്. രണ്ടു ദിവസം മുൻപായിരുന്നു ഇതിന്റയെ ഓഡിയോ ലോഞ്ച് നടന്നത്. 

Did you find apk for android? You can find new Free Android Games and apps.
Share.

About Author

mm