Tuesday, March 19

ഭാവഗായകൻ പി ജയചന്ദ്രൻ ആലപിച്ച ഇളയ രാജയിലെ മനോഹര ഗാനം സോഷ്യൽ മീഡിയയിൽ ശ്രദ്ധ നേടുന്നു…!!

Google+ Pinterest LinkedIn Tumblr +
Want create site? Find Free WordPress Themes and plugins.

മാധവ് രാമദാസൻ സംവിധാനം ചെയ്ത ഇളയ രാജ എന്ന ചിത്രം അധികം വൈകാതെ തന്നെ തീയേറ്ററുകളിൽ എത്താൻ ഒരുങ്ങുകയാണ്. ഗിന്നസ് പക്രു നായകനായി എത്തുന്ന ഈ ചിത്രം പല രീതിയിൽ ഇപ്പോഴേ പ്രേക്ഷക ശ്രദ്ധ നേടി കഴിഞ്ഞു. ഇളയ രാജ ഡ്രസ് കോഡും ഇതിന്റെ ടീസർ, ട്രയ്ലർ എന്നിവയെല്ലാം പ്രേക്ഷകർ ഏറ്റെടുത്തു കഴിഞ്ഞു. അതുപോലെ പ്രേക്ഷകർ ഹൃദയം കൊണ്ട് സ്വീകരിച്ച ഒന്നാണ് ഇതിലെ മനോഹര ഗാനങ്ങൾ. ജയസൂര്യ പാടിയ കപ്പലണ്ടി സോങ്ങും മറ്റു ഗാനങ്ങളുമെല്ലാം പ്രേക്ഷകരുടെ പ്രീയപ്പെട്ടതായി മാറി കഴിഞ്ഞു. ഇപ്പോഴിതാ ഈ ചിത്രത്തിലെ മറ്റൊരു മനോഹരമായ മെലഡി കൂടി റിലീസ് ചെയ്ത് കഴിഞ്ഞു. പി ജയചന്ദ്രൻ ആലപിച്ച എന്നാലും ജീവിതമാകെ എന്ന പാട്ടാണ് റീലീസ് ചെയ്തത്.

ഈ ഗാനത്തിന്റെ ലിറിക് വീഡിയോ ഇപ്പോൾ മികച്ച പ്രേക്ഷക ശ്രദ്ധയാണ് നേടിയെടുക്കുന്നത്. രതീഷ് വേഗ ഈണം പകർന്ന ഈ ഗാനത്തിന് വരികളെഴുതിയിരിക്കുന്നത് ഏങ്ങണ്ടിയൂർ ചന്ദ്രശേഖരൻ ആണ്. സജിത്ത് കൃഷ്ണ, ജയരാജ് ടി കൃഷ്ണൻ, ബിനീഷ് ബാബു എന്നിവർ ചേർന്ന് നിർമ്മിച്ചിരിക്കുന്ന ഈ ചിത്രത്തിന് തിരക്കഥ രചിച്ചിരിക്കുന്നത് സുദീപ് ടി ജോർജ് ആണ്. ഇ ഫോർ എന്റർടൈൻമെന്റ് കേരളത്തിൽ വിതരണം ചെയ്യാൻ പോകുന്ന ഈ ചിത്രത്തിൽ ഗിന്നസ് പക്രുവിന് ഒപ്പം ഇന്ദ്രൻസ്, ഗോകുൽ സുരേഷ്, ദീപക്, ഹരിശ്രീ അശോകൻ തുടങ്ങി ഒരു വലിയ താര നിര തന്നെ അണിനിരക്കുന്നുണ്ട്. ഗിന്നസ് പക്രുവിന്റെ അഭിനയ ജീവിതത്തിലെ ഒരു വഴിത്തിരിവായി മാറും ഇതിലെ കഥാപാത്രം എന്നാണ് സൂചന.

Did you find apk for android? You can find new Free Android Games and apps.
Share.

About Author

mm