ഷൂട്ടിംഗ് ബ്രേക്കിനിടയിൽ ഒരു ക്രിക്കറ്റ് മാച്ച്; ടോവിനോ ചിത്രത്തിന്റെ ലൊക്കേഷൻ വീഡിയോ കാണാം..!

Advertisement

ഖാലിദ് റഹ്മാൻ ഒരുക്കുന്ന പുതിയ ചിത്രമായ തല്ലുമാലയിൽ ആണ് ഇപ്പോൾ ടോവിനോ തോമസ് അഭിനയിക്കുന്നത്. കല്യാണി പ്രിയദർശൻ നായികാ വേഷം ചെയ്യുന്ന ഈ ചിത്രം നിർമ്മിക്കുന്നത് ആഷിഖ് ഉസ്മാൻ ആണ്. ഇപ്പോഴിതാ ഈ ചിത്രത്തിന്റെ ലൊക്കേഷനിൽ നിന്നുള്ള ഒരു വീഡിയോ ആണ് വൈറലാകുന്നത്. ഷൂട്ടിംഗ് ബ്രേക്കിന്റെ ഇടയിൽ ക്രിക്കറ്റ് കളിക്കുന്ന താരത്തെയും സഹപ്രവർത്തകരേയുമാണ് നമ്മുക്ക് കാണാൻ സാധിക്കുന്നത്. അതിൽ നിർമ്മാതാവും സംവിധായകനും അഭിനേതാക്കളും ഒക്കെ പങ്കാളികളാണ്. വാശിയേറിയ മത്സരമാണ് നടക്കുന്നത് എന്നു വീഡിയോയിൽ വ്യക്തമാണ്. ഏതായാലും താരങ്ങളുടെ ക്രിക്കറ്റ് കളി ആരാധകരും സിനിമാ പ്രേമികളും ഏറ്റെടുത്തു എന്നു തന്നെയാണ് ഈ വീഡിയോക്കു ലഭിക്കുന്ന സ്വീകരണം നമ്മുക്ക് കാണിച്ചു തരുന്നത്.

Advertisement

മുഹ്സിന്‍ പരാരിയും അഷ്‌റഫ്‌ ഹംസയും ചേര്‍ന്ന് രചന നിര്‍വഹിക്കുന്ന ഈ ചിത്രത്തിന് ക്യാമറ ചലിപ്പിക്കുന്നത് ജിംഷി ഖാലിദ് ആണ്. വിഷ്ണു വിജയ് സംഗീതമൊരുക്കുന്ന ഈ ചിത്രം എഡിറ്റ് ചെയ്യുന്നത് നിഷാദ് യൂസഫ് ആണ്. ലുക്മാന്‍, ചെമ്പന്‍ വിനോദ് ജോസ്, ജോണി ആന്‍റണി, ഓസ്റ്റിന്‍, അസിം ജമാല്‍ എന്നിവരാണ് ഇതിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. ആഷിക് അബുവിന്‍റെ നിര്‍മ്മാണത്തില്‍ മുഹ്‍സിന്‍ പരാരി സംവിധാനം ചെയ്യുമെന്ന് പ്രഖ്യാപിച്ചിരുന്ന പ്രോജക്റ്റ് ആണിത്. പക്ഷെ പിന്നീട് ആഷിക് അബു പിന്മാറുകയും ആഷിക് ഉസ്മാൻ വരികയും ചെയ്തു. അതോടെ സംവിധായകനും മാറി. വരനെ ആവശ്യമുണ്ട്, മരക്കാർ അറബിക്കടലിന്റെ സിംഹം, ബ്രോ ഡാഡി എന്നിവക്ക് ശേഷം കല്യാണി പ്രിയദർശൻ അഭിനയിക്കുന്ന മലയാള ചിത്രമാണ് തല്ലുമാല. അടുത്ത വർഷം ആദ്യ പകുതിയിൽ ഈ ചിത്രം റിലീസ് ചെയ്യാനാണ് പ്ലാൻ ചെയ്യുന്നത്.

Advertisement

Copyright © 2017 onlookersmedia.

Press ESC to close