ടോവിനോ തോമസിന്റെ ദ്വിഭാഷാ ചിത്രം അഭിയുടെ കഥ അനുവിന്റേയും എത്തുന്നു; ചിത്രത്തിലെ സോങ് വീഡിയോ സോഷ്യൽ മീഡിയിൽ ശ്രദ്ധ നേടുന്നു

Advertisement

യുവ താരം ടോവിനോ തോമസ് നായകനായി എത്തുന്ന ദ്വിഭാഷാ ചിത്രമാണ് നവാഗതയായ ബി ആർ വിജയലക്ഷ്മി സംവിധാനം ചെയ്ത അഭിയുടെ കഥ അനുവിന്റേയും . മലയാളത്തിലും തമിഴിലും ആയി ഒരുക്കിയ ഈ ചിത്രം ഈ വരുന്ന മാർച്ച് ഒൻപതു മുതൽ തീയേറ്ററുകളിൽ എത്തും. അതിന്റെ മുന്നോടിയായി ഇപ്പോഴിതാ ഈ ചിത്രത്തിലെ ഒരു സോങ് വീഡിയോ റിലീസ് ചെയ്തു കഴിഞ്ഞു. സരിഗമ പധനിസ എന്ന് തുടങ്ങുന്ന ഈ ഗാനം ഗംഭീര പ്രേക്ഷക പ്രതികരണത്തോടെ ഇപ്പോൾ സോഷ്യൽ മീഡിയ കീഴടക്കുകയാണ്.

പിയ ബാജ്പയീ ആണ് ഈ ചിത്രത്തിൽ ടോവിനോ തോമസിന്റെ നായിക ആയി എത്തുന്നത്. മനോഹരമായ ഒരു പ്രണയഗാനമാണ് ഇപ്പോൾ റിലീസ് ചെയ്തിരിക്കുന്ന സരിഗമ പധനിസ എന്നയീ ഗാനം. ഹരിചരൻ, സാഷ തിരുപ്പതി എന്നിവർ ചേർന്ന് ആലപിച്ചിരിക്കുന്ന ഈ ഗാനത്തിന് സംഗീതം പകർന്നിരിക്കുന്നത് ധരൻ കുമാറും അതുപോലെ ഈ ഗാനത്തിന് വരികൾ എഴുതിയിരിക്കുന്നത് മദൻ കർക്കിയുമാണ്.

Advertisement

യോട്ലീ ഫിലിമ്സിന്റെ ബാനറിൽ സരിഗമ ഇന്ത്യ പ്രൈവറ്റ് ലിമിറ്റഡും ക്യാമറാമാൻ സന്തോഷ് ശിവനും ചേർന്നാണ് ഈ ചിത്രം നിർമ്മിച്ചിരിക്കുന്നത്. ഉദയഭാനു മഹേശ്വരൻ കഥയും തിരക്കഥയും രചിച്ചിരിക്കുന്ന ഈ ചിത്രത്തിന് സംഭാഷണങ്ങൾ ഒരുക്കിയിരിക്കുന്നത് കെ ഷണ്മുഖൻ ആണ്. അഖിലൻ ദൃശ്യങ്ങൾ ഒരുക്കിയിരിക്കുന്ന ഈ ചിത്രം എഡിറ്റ് ചെയ്തിരിക്കുന്നത് സുനിൽ ശ്രീ നായർ ആണ്.

ടോവിനോ തോമസിന്റെ ആദ്യ തമിഴ് ചിത്രമാണ് ഇത്. ടോവിനോ ഇപ്പോൾ തന്റെ രണ്ടാമത്തെ തമിഴ് ചിത്രമായ മാരി 2 ചെയ്യുകയാണ്. ധനുഷ് നായകനായ ഈ ചിത്രത്തിൽ വില്ലൻ വേഷത്തിൽ ആണ് ടോവിനോ അഭിനയിക്കുന്നത്. അതുപോലെ തന്നെ ഗൗതം മേനോൻ ഒരുക്കുന്ന അടുത്ത മൾട്ടിസ്റ്റാർ ചിത്രത്തിലും ടോവിനോ അഭിനയിച്ചേക്കും എന്ന് റിപ്പോർട്ടുകൾ ഉണ്ട്. ഈ അടുത്തിടെ ഗൗതം മേനോൻ നിർമ്മിച്ച ഒരു തമിഴ് മ്യൂസിക് വിഡിയോയിലും ടോവിനോ അഭിനയിച്ചിരുന്നു.

Advertisement

Copyright © 2017 onlookersmedia.

Press ESC to close