ലുസിഫെർ രണ്ടാം ഭാഗം വരുമോ? പ്രതീക്ഷ നൽകി മുരളി ഗോപി..!

Advertisement

മോഹൻലാലിനെ നായകനാക്കി പൃഥ്വിരാജ് സംവിധാനം ചെയ്ത ലുസിഫെർ നാലു ദിവസം കൊണ്ട് 54 കോടി കടന്നു മലയാള സിനിമയിൽ 100 കോടി കളക്ഷൻ നേടുന്ന രണ്ടാമത്തെ ചിത്രമാവാനായി കുതിക്കുകയാണ്. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിച്ച ഈ ചിത്രം രചിച്ചത് മുരളി ഗോപി ആണ്. ഗംഭീര തിരക്കഥാ രചയിതാവ് എന്ന് ഏവരും അംഗീകരിച്ച ആളാണ് മുരളി ഗോപി എങ്കിലും വാണിജ്യ വിജയം നേടുന്ന ചിത്രം അദ്ദേഹത്തിന്റെ കരിയറിൽ സംഭവിച്ചില്ല എന്നത് നിരാശ ഉണ്ടാക്കുന്ന കാര്യമായിരുന്നു. എന്നാൽ മലയാള സിനിമയുടെ ചക്രവർത്തി മോഹൻലാലിനൊപ്പം മുരളി ഗോപി ഒത്തു ചേർന്നപ്പോൾ, അതിനു പൃഥ്വിരാജ് ഒരു ഗംഭീര ദൃശ്യഭാഷ ഒരുക്കിയപ്പോൾ ലുസിഫെർ ചരിത്രം ആയി മാറി.

ലുസിഫെർ കണ്ടപ്പോൾ മുതൽ പ്രേക്ഷകർ ചോദിക്കുന്ന കാര്യമാണ് ഇതിനു ഒരു രണ്ടാം ഭാഗം ഉണ്ടാകുമോ എന്നത്. ഇപ്പോഴിതാ പ്രേക്ഷകർക്കും ആരാധകർക്കും പ്രതീക്ഷ നൽകുന്ന ഒരു ഫേസ്ബുക്ക് പോസ്റ്റുമായി മുരളി ഗോപി എത്തിയിരിക്കുകയാണ്. ലുസിഫെറിന് പ്രേക്ഷകർ നൽകിയ ചരിത്ര വിജയത്തിന് നന്ദി പറയുന്നു എന്നും ഇനിയും ഈ കൂട്ടുകെട്ടിൽ നിന്നു കൂടുതൽ പ്രതീക്ഷിക്കാം എന്നും പറഞ്ഞു കൊണ്ട് പൃഥ്വിരാജിനൊപ്പം നിൽക്കുന്ന ഒരു ചിത്രവും മുരളി ഗോപി പങ്കു വെച്ചിട്ടുണ്ട്. ആ വാക്കുകളെ ശെരി വെച്ചു കൊണ്ട് കൂടുതൽ പ്രതീക്ഷിക്കാം എന്നു പറഞ്ഞു കൊണ്ട് പൃഥ്വിരാജ് ആ പോസ്റ്റ് ഷെയർ ചെയ്യുകയും ചെയ്തു. അതോടു കൂടി ലുസിഫെറിലെ മോഹൻലാൽ കഥാപാത്രത്തിന്റെ ജീവിതത്തിലെ ഒരു പ്രത്യേക ഭാഗം ലുസിഫെർ രണ്ടാം ഭാഗം ആയി വരുമോ എന്നറിയാൻ ഉള്ള ആകാംക്ഷയിൽ ആണ് പ്രേക്ഷകർ.

Advertisement
Advertisement

Copyright © 2017 onlookersmedia.

Press ESC to close