റാമിൽ ലാലേട്ടൻ മീശ പിരിക്കുമോ; രസകരമായ മറുപടിയുമായി മോഹൻലാൽ

Advertisement

മോഹൻലാൽ- ജീത്തു ജോസഫ് ടീം വീണ്ടും ഒന്നിക്കുന്ന ചിത്രത്തിന്റെ ലോഞ്ച് ഇന്നലെ കൊച്ചിയിൽ വെച്ച് നടന്നു. റാം എന്ന് പേരിട്ടിരിക്കുന്ന ഈ ചിത്രം ഒരു റിയലിസ്റ്റിക് ആക്ഷൻ ത്രില്ലർ ആയാണ് ഒരുക്കുന്നത്. ജീത്തു ജോസഫ് തന്നെ രചനയും നിർവഹിച്ചിരിക്കുന്ന ഈ ചിത്രത്തിന്റെ ഷൂട്ടിംഗ് ജനുവരി അഞ്ചിന് കൊച്ചിയിൽ ആണ് ആരംഭിക്കുക. കേരളം, ഡൽഹി, ചെന്നൈ, കൊളംബോ, കെയ്റോ, ഇസ്താംബുൾ, ലണ്ടൻ എന്നിവിടങ്ങളിൽ ആയി ഷൂട്ട് ചെയ്യാൻ പോകുന്ന ഈ ചിത്രം തന്റെ കരിയറിലെ ഏറ്റവും വലിയ ചിത്രമാണ് എന്നാണ് ജീത്തു ജോസഫ് പറയുന്നത്. അഭിഷേക് ഫിലിമ്സിന്റെ ബാനറിൽ രമേശ് പി പിള്ള, സുധൻ എസ് പിള്ള, ഗണേഷ് വി പിള്ള എന്നിവർ ചേർന്ന് നിർമ്മിക്കുന്ന ഈ ചിത്രത്തിൽ തെന്നിന്ത്യൻ താര സുന്ദരി തൃഷ ആണ് നായികാ വേഷം ചെയ്യുന്നത്.

ഈ ചിത്രത്തിലെ മോഹൻലാലിന്റെ ഗെറ്റപ്പും ടൈറ്റിൽ പോസ്റ്ററിന് ഒപ്പം ഇന്നലെ പുറത്തു വിട്ടിരുന്നു. ടൈറ്റിൽ ലോഞ്ച് കഴിഞ്ഞു നടന്ന പത്ര സമ്മേളനത്തിൽ ഒരു ആരാധകൻ മോഹൻലാലിനോട് ചോദിച്ചത് ലാലേട്ടൻ ഈ ചിത്രത്തിൽ മീശ പിരിക്കുമോ എന്നാണ്. അതിനു മറുപടി ആയി മോഹൻലാൽ പറഞ്ഞത് താടിയും മീശയും ഒക്കെ ഉള്ള ഒരാളാണ് റാം എന്നും അത് കൊണ്ട് പിരിക്കാം, പിരിക്കാതെ ഇരിക്കാം എന്നാണ്. മോഹൻലാലിന്റെ ഈ രസകരമായ മറുപടി ഇപ്പോൾ സോഷ്യൽ മീഡിയയുടെ ശ്രദ്ധ നേടുകയാണ്. ഇതിൽ ഇപ്പോൾ കണ്ട ഗെറ്റപ്പ് കൂടാതെ മോഹൻലാലിന് വേറെ ഗെറ്റപ്പുകൾ ഉണ്ടോ എന്ന ചോദ്യത്തിന് അത് തീയേറ്ററിൽ വരുമ്പോൾ കണ്ടാൽ മതി എന്നായിരുന്നു ജീത്തു ജോസഫിന്റെ ഉത്തരം.

Advertisement
Advertisement

Copyright © 2017 onlookersmedia.

Press ESC to close