Thursday, April 25

ലൂസിഫർ ട്രൈലറിൽ പൃഥ്വിരാജ് സാന്നിധ്യം… ആരാധകർ ആവേശത്തിൽ

Google+ Pinterest LinkedIn Tumblr +
Want create site? Find Free WordPress Themes and plugins.

കഴിഞ്ഞ രണ്ടു ദിവസമായി സോഷ്യൽ മീഡിയ മുഴുവൻ ചർച്ച നടക്കുന്നത് ലൂസിഫർ എന്ന ചിത്രത്തെ കുറിച്ചാണ്. ഈ വർഷം പ്രേക്ഷകർ ഏറ്റവും കൂടുതൽ കാത്തിരിക്കുന്ന ചിത്രമാണ് മോഹൻലാൽ നായകനായ ലൂസിഫർ. യുവ സൂപ്പർ താരം പൃഥ്വിരാജ് സുകുമാരൻ ആദ്യമായി സംവിധാനം ചെയ്ത ഈ ചിത്രം നിർമ്മിച്ചിരിക്കുന്നത് ആന്റണി പെരുമ്പാവൂരും രചിച്ചിരിക്കുന്നത് മുരളി ഗോപിയും ആണ്. മിനിഞ്ഞാന്ന് രാത്രി ഒൻപതു മണിക്ക് ഇതിന്റെ ട്രൈലെർ റിലീസ് ചെയ്യുകയും ഒറ്റ ദിവസം കൊണ്ട് അത് മുപ്പത്തിരണ്ട് ലക്ഷത്തോളം പേര് കാണുകയും ചെയ്തിരുന്നു. ഇന്ന് ഗൾഫിൽ വെച്ച് ഈ ചിത്രത്തിന്റെ ഒരു പ്രൊമോഷൻ ഇവന്റും നടക്കുന്നുണ്ട്. അവിടെ വെച്ചു ഒരു സർപ്രൈസ് പ്രേക്ഷകർക്ക് നൽകും എന്നാണ് പൃഥ്വിരാജ് പറയുന്നത്.

ആ സർപ്രൈസ് എന്താണ് എന്നതാണ് ഇപ്പോൾ പ്രേക്ഷകരുടെ ആകാംഷ. ലൂസിഫർ എന്ന ചിത്രത്തിൽ പൃഥ്വിരാജ് ഒരു ചെറിയ വേഷത്തിൽ അഭിനയിക്കുന്നുണ്ട് എന്നാണ് ചില റിപ്പോർട്ടുകൾ പറയുന്നത്. ട്രെയിലറിലെ വ്യക്തമല്ലാത്ത ചില സ്ക്രീൻ ഷോട്ടുകൾ എടുത്തു സിനിമാ പ്രേമികൾ ആ ഊഹം മുന്നോട്ടു വെക്കുന്നതും ഇപ്പോൾ സോഷ്യൽ മീഡിയയിൽ നമ്മുക്ക് കാണാൻ കഴിയും. മോഹൻലാലും പൃഥ്വിരാജ് സുകുമാരനും ഇത് വരെ ഒരുമിച്ചു അഭിനയിച്ചിട്ടില്ല. അതുകൊണ്ടു തന്നെ ഈ ചിത്രത്തിൽ ഒരു ചെറിയ വേഷത്തിൽ ആണെങ്കിൽ പോലും മോഹൻലാലിനൊപ്പം പൃഥ്വിരാജ് കൂടി എത്തിയാൽ ആരാധകർക്ക് അത് ഇരട്ടി സന്തോഷം ആയി മാറും എന്നത് തീർച്ചയാണ്. ഏതായാലും അതറിയണം എങ്കിൽ മാർച്ച് 28 നു ലൂസിഫർ റിലീസ് ആവുന്നത് വരെ നമ്മൾ കാത്തിരുന്നേ പറ്റൂ. 

Did you find apk for android? You can find new Free Android Games and apps.
Share.

About Author

mm