ശ്രീനിവാസനും വിനീതും ഒന്നിക്കുന്ന ‘അരവിന്ദന്റെ അതിഥികൾ’ ചിത്രീകരണം ആരംഭിച്ചു

Advertisement

ഏറെക്കാലത്തിന് ശേഷം ശ്രീനിവാസനോടൊപ്പം മകൻ വിനീത് ശ്രീനിവാസൻ അഭിനയിക്കുന്ന ‘അരവിന്ദന്റെ അതിഥികൾ’ എന്ന ചിത്രത്തിന്റെ ചിത്രീകരണം ആരംഭിച്ചു. എം. മോഹനനാണ് ചിത്രത്തിന്റെ സംവിധാനം. ഒരു ഇടവേളയ്ക്ക് ശേഷം ശ്രീനിവാസനും ഉർവശിയും ശാന്തികൃഷ്ണയും വീണ്ടും ഒന്നിക്കുന്നു എന്ന പ്രത്യേകതയും ഈ ചിത്രത്തിനുണ്ട്. അച്ഛനോടൊപ്പമുള്ള സിനിമയുടെ ചിത്രീകരണം ആരംഭിച്ചതായും ഒരു മികച്ച സിനിമ ജനിക്കട്ടെ എന്ന് പ്രാർത്ഥിക്കുന്നതായും വിനീത് ശ്രീനിവാസൻ വ്യക്തമാക്കി.

നിഖിലാ വിമലാണ് ‘അരവിന്ദന്റെ അതിഥികളി’ലെ നായിക. പതിയാറ എന്‍റര്‍ടെയിന്‍മെന്‍റിന്‍റെ ബാനറില്‍ പ്രദീപ് കുമാര്‍ നിര്‍മ്മിക്കുന്ന ചിത്രത്തിൽ സലീംകുമാര്‍, ഷമ്മി തിലകന്‍, ദേവന്‍, ബിജുക്കുട്ടന്‍, സുബീഷ് സുധി, നിയാസ് ബക്കര്‍, കെപിഎസി ലളിത, സ്നേഹ ശ്രീകുമാര്‍ എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. സ്വരൂപ് ഫിലിപ്പ് ഛായാഗ്രഹണം നിർവഹിക്കുന്ന ചിത്രത്തിലെ ഗാനങ്ങൾക്ക് ഈണം നൽകിയിരിക്കുന്നത് ഷാന്‍ റഹ്മാനാണ്.

Advertisement

അതേസമയം ‘ആന അലറലോടലറൽ’ എന്ന ചിത്രമാണ് വിനീത് ശ്രീനിവാസന്റേതായി റിലീസിനൊരുങ്ങുന്നത്. ദിലീപ് മേനോന്‍ സംവിധാനം ചെയ്യുന്ന ഈ ചിത്രത്തിൽ അനു സിത്താരയാണ് നായിക. ഗ്രാമീണ പശ്ചാത്തലത്തില്‍ ഒരുക്കിയ ആക്ഷേപ ഹാസ്യമാണ് ആന അലറലോടലറല്‍. ശേഖരന്‍കുട്ടി എന്ന് വിളിക്കുന്ന ഒരു ആനയാണ് ചിത്രത്തിലെ കേന്ദ്ര കഥാപാത്രം. ശരത് ബാലന്റേതാണ് തിരക്കഥ. മനു മഞ്ജിത്ത്, വിനീത് ശ്രീനിവാസന്‍ എന്നിവരുടെ വരികള്‍ക്ക് ഷാന്‍ റഹ്മാനാണ് സംഗീതം നൽകിയിരിക്കുന്നത്.

Advertisement

Copyright © 2017 onlookersmedia.

Press ESC to close