Tuesday, March 19

ജയ് വൈ എസ് ആർ; ആർപ്പു വിളികളൊടെ മെഗാസ്റ്റാറിനു ആദരവുമായി തെലുങ്കു സിനിമ പ്രേമികൾ

Google+ Pinterest LinkedIn Tumblr +
Want create site? Find Free WordPress Themes and plugins.

മെഗാ സ്റ്റാർ മമ്മൂട്ടി വർഷങ്ങൾക്കു ശേഷം തെലുങ്കിൽ അഭിനയിച്ച ചിത്രമാണ് മഹി വി രാഘവ് രചിച്ചു സംവിധാനം ചെയ്ത യാത്ര. അന്തരിച്ചു പോയ മുൻ ആന്ധ്ര മുഖ്യമന്ത്രി വൈ എസ് രാജശേഖര റെഡ്ഢിയുടെ ജീവിത കഥയാണ് ഈ ചിത്രം പറയുന്നത്. അദ്ദേഹം ആന്ധ്രയിൽ നടത്തിയ പദയാത്രയുടെ പശ്ചാത്തലത്തിൽ ആണ് ഈ ചിത്രം കഥ പറഞ്ഞത്. മമ്മൂട്ടിയുടെ മികച്ച പ്രകടനം ആയിരുന്നു ഈ ചിത്രത്തിന്റെ ഹൈലൈറ്റ് എന്ന് പറയാം. തെലുങ്കു സിനിമാ  പ്രേമികളെയും വൈ എസ് ആർ ആരാധകരെയും ഈ ചിത്രം ഏറെ സംതൃപ്തരാക്കി എന്ന് തന്നെ പറയാം. മറ്റു സംസ്ഥാനങ്ങളിലും വിദേശത്തും ബോക്സ് ഓഫീസിൽ ഒരു തരംഗം സൃഷ്ടിക്കാൻ കഴിഞ്ഞില്ലെങ്കിലും ആന്ധ്രയിൽ മികച്ച ബോക്സ് ഓഫീസ് കളക്ഷൻ ആണ് യാത്ര നേടിയെടുത്തത്. അതിന്റെ ഭാഗമായി യാത്രയുടെ വിജയാഘോഷം അവിടെ കുറച്ചു ദിവസം മുൻപ് നടന്നു.

വൈ എസ് ആർ ആയി മികച്ച പ്രകടനം സ്‌ക്രീനിൽ കാഴ്ച വെച്ച മമ്മൂട്ടിക്ക് ഗംഭീര സ്വീകരണം ആണ് നൽകിയത്. ചിത്രത്തിന്റെ അണിയറ പ്രവർത്തകരും വൈ എസ് ആർ ആരാധകരും  ഉൾപ്പെടെ ഒട്ടേറെ പേര് ആ ചടങ്ങിൽ പങ്കെടുത്തു. അവിടെ നിന്നുള്ള മമ്മൂട്ടിയുടെ ചിത്രങ്ങൾ ഇപ്പോൾ സോഷ്യൽ മീഡിയയിൽ ഏറെ വൈറൽ ആയി കഴിഞ്ഞു. ചടങ്ങിൽ മമ്മൂട്ടിയുടെ പ്രസംഗം എത്തിയപ്പോൾ ജയ് വൈ എസ് ആർ വിളികളോടെയാണ് കാണികൾ അദ്ദേഹത്തെ സ്വീകരിച്ചത്. സിനിമാ പ്രേമികൾക്കിടയിലും വൈ എസ് ആർ ആരാധകർക്കിടയിലും മികച്ച പ്രതികരണം സൃഷ്‌ടിച്ച യാത്ര വരുന്ന തിരഞ്ഞെടുപ്പിൽ വൈ എസ് ആറിന്റെ  മകൻ ജഗന് അനുകൂലമായ രാഷ്ട്രീയ സാഹചര്യവും അവിടെ സൃഷ്ടിക്കും എന്നാണ് പ്രതീക്ഷ. 

Did you find apk for android? You can find new Free Android Games and apps.
Share.

About Author

mm