Thursday, April 25

സൂപ്പർ താരമല്ല, സുഹൃത്ത്; മമ്മൂട്ടിയുമൊത്തുള്ള അനുഭവം പങ്കുവെച്ച് തമിഴ് നടൻ ജയ്

Google+ Pinterest LinkedIn Tumblr +
Want create site? Find Free WordPress Themes and plugins.

മെഗാസ്റ്റാർ മമ്മൂട്ടിയുടെ പുതിയ റിലീസ് ആണ് വൈശാഖ് ഒരുക്കിയ മാസ്സ് ചിത്രമായ മധുര രാജ. ഉദയ കൃഷ്‌ണ തിരക്കഥ രചിച്ച ഈ ചിത്രത്തിൽ മമ്മൂട്ടിയോടൊപ്പം ഒരു പ്രധാനപ്പെട്ട വേഷം ചെയ്തത് തമിഴ് നടൻ ജയ് ആണ്. തമിഴിലെ ഉയർന്നു വരുന്ന താര സാന്നിധ്യമായ ജയ് ആദ്യമായാണ് മലയാളത്തിൽ അഭിനയിച്ചത്. ചിന്ന രാജ എന്ന കഥാപാത്രം ആയാണ് ജയ് ഇതിൽ അഭിനയിച്ചിരിക്കുന്നത്. മലയാളി പ്രേക്ഷകർക്കിടയിലും ഏറെ പോപ്പുലർ ആയ ജയ് ഇപ്പോൾ മധുര രാജയിലെ തന്റെ അനുഭവം പങ്കു വെക്കുകയാണ്. ഒരു സൂപ്പർ താരം എന്ന മട്ടിൽ അല്ല ഒരു സുഹൃത്തിനെ പോലെ ആണ് മമ്മൂട്ടി പെരുമാറിയത് എന്നു ജയ് പറയുന്നു.

അദ്ദേഹത്തിന്റെ ഹ്യൂമർ സെൻസും കെയറിങ്ങും ഏറെ വലുതാണെന്നും ജയ് പറയുന്നു. അദ്ദേഹത്തിൽ നിന്ന് ഏറെ പഠിച്ചു എന്നും ജയ് പറയുന്നു. തന്ന സ്നേഹത്തിനും കരുതലിനും ജയ് നന്ദി പറയുകയും ചെയ്യുന്നു. ചിത്രത്തിൽ ആദ്യാവസാനം നിറഞ്ഞു നിൽക്കുന്ന വേഷമാണ് ജയ് ചെയ്തിരിക്കുന്നത്. തെലുങ്കു താരം ജഗപതി ബാബു വില്ലൻ വേഷം ചെയ്തിരിക്കുന്ന ഈ ചിത്രത്തിൽ അനുശ്രീ, മഹിമ നമ്പ്യാർ എന്നിവർ ആണ് നായികമാർ. പ്രശാന്ത് അലക്‌സാണ്ടർ, നെടുമുടി വേണു, നോബി, വിജയ രാഘവൻ, ആർ കെ സുരേഷ്, അന്ന രാജൻ, സന്തോഷ് കീഴാറ്റൂർ, നരേൻ, ഷംന കാസിം, വിനയ പ്രസാദ്, എം ആർ ഗോപ കുമാർ, അജു വർഗീസ്, ബിജു കുട്ടൻ, ജയൻ ചേർത്തല എന്നിവരും ഈ ചിത്രത്തിന്റെ താര നിരയിൽ ഉണ്ട്. നെൽസൻ ഐപ്പ് ആണ് മധുര രാജ നിർമ്മിച്ചിരിക്കുന്നത്.

Did you find apk for android? You can find new Free Android Games and apps.
Share.

About Author

mm