Saturday, May 21

വീണ്ടും ബിഗ് ബഡ്ജറ്റ് ചിത്രത്തിൽ നായകനായി സുരേഷ് ഗോപി; ഒരുക്കുന്നത് സൂപ്പർ ഹിറ്റ് സംവിധായകൻ..!

Google+ Pinterest LinkedIn Tumblr +
Want create site? Find Free WordPress Themes and plugins.

മലയാളത്തിന്റെ ആക്ഷൻ സൂപ്പർ സ്റ്റാർ സുരേഷ് ഗോപി ഒരു ഇടവേളക്ക് ശേഷം അഭിനയ ജീവിതത്തിലേക്ക് തിരിച്ചു വന്നത് 2020 ഫെബ്രുവരിയിൽ റിലീസ് ചെയ്ത വരനെ ആവശ്യമുണ്ട് എന്ന ചിത്രത്തിലൂടെ ആയിരുന്നു. ഒരു ഫീൽ ഗുഡ് ഫാമിലി ചിത്രമായി അനൂപ് സത്യൻ ഒരുക്കിയ ഈ ചിത്രം സൂപ്പർ വിജയമാണ് നേടിയത്. അതിന് ശേഷം തന്റെ മാസ്സ് കഥാപാത്രങ്ങളിലേക്ക് തിരിച്ചു വന്നിരിക്കുകയാണ് സുരേഷ് ഗോപി. 2021 ഇൽ നിതിൻ രഞ്ജി പണിക്കർ ചെയ്ത കാവലിൽ അഭിനയിച്ച സുരേഷ് ഗോപിയുടെ 2 വമ്പൻ മാസ്സ് ചിത്രങ്ങൾ ആണ് ഇനി വരാൻ ഉള്ളത്. അതിലൊന്ന് അടുത്ത മാസം റിലീസ് ആവുന്ന ജോഷി ചിത്രം പാപ്പൻ ആണെങ്കിൽ, മറ്റൊന്ന് ബിഗ് ബഡ്ജറ്റ് ചിത്രമായ ഒറ്റക്കൊമ്പൻ ആണ്.

ഇപ്പോഴിതാ മറ്റൊരു ബിഗ് ബഡ്ജറ്റ് ചിത്രം കൂടി ചെയ്യാൻ ഒരുങ്ങുകയാണ് സുരേഷ് ഗോപി. സൂപ്പർ ഹിറ്റ് സംവിധായകൻ ആയ ജിബു ജേക്കബ് ആണ് ഈ ചിത്രം ഒരുക്കാൻ പോകുന്നത്. തോമസ് തിരുവല്ല പ്രൊഡക്‌ഷൻസും കോൺഫിഡന്റ് ഗ്രൂപ്പും ചേർന്ന് നിർമിക്കുന്ന ചിത്രം സുരേഷ് ഗോപിയുടെ കരിയറിലെ ഏറ്റവും വലിയ ചിത്രങ്ങളിൽ ഒന്നായിരിക്കും എന്നാണ് സൂചന. സൈജു കുറുപ്പ്, ഹരീഷ് കണാരൻ, പൂനം ബജ്‌വ തുടങ്ങി നിരവധി താരങ്ങൾ അഭിനയിക്കുന്ന ഈ ചിത്രം സുരേഷ് ഗോപിയുടെ കരിയറിലെ 253 ആം ചിത്രമായി ആണ് ഒരുങ്ങുക. വെള്ളിമൂങ്ങ, മുന്തിരി വള്ളികൾ തളിർക്കുമ്പോൾ എന്നീ ബ്ലോക്ക്ബസ്റ്റർ ചിത്രങ്ങൾ ഒരുക്കിയ ജിബു ജേക്കബ്, ആദ്യരാത്രി, എല്ലാം ശരിയാവും എന്നീ ചിത്രങ്ങളും ഒരുക്കിയിട്ടുണ്ട്.

Did you find apk for android? You can find new Free Android Games and apps.
Share.

About Author