Tuesday, March 19

വീരമൃത്യു വരിച്ച ജവാന്റെ കുടുംബത്തിന് അരയേക്കർ ഭൂമി നൽകി മലയാളികളുടെ സ്വന്തം ക്ലാര!!

Google+ Pinterest LinkedIn Tumblr +
Want create site? Find Free WordPress Themes and plugins.

ദിവസങ്ങൾക്കു മുൻപ് പുല്‍വാമയില്‍ നടന്ന തീവ്രവാദി ആക്രമണത്തില്‍ ആണ് കര്‍ണാടക മാണ്ഡ്യ സ്വദേശിയായ എച്ച് ഗുരു എന്ന സൈനികന്‍ വീരമൃത്യ വരിച്ചത്. അദ്ദേഹത്തിന്റെ വിവാഹം കഴിഞ്ഞിട്ട് വെറും ആറു മാസമേ ആയിട്ടുണ്ടായിരുന്നുള്ളു എന്ന് മാത്രമല്ല അദ്ദേഹത്തിന്റെ ഭാര്യ കലാവതി 4 മാസം ഗര്‍ഭിണിയും ആയിരുന്നു. സാമ്പത്തികമായി പിന്നോക്കം നില്‍ക്കുന്ന കുടുംബത്തിൽ ജനിച്ച ഗുരു കുടുംബത്തിന് വേണ്ടിയാണു സൈന്യത്തിൽ ജോയിൻ ചെയ്തത്. സ്വന്തമായി ഭൂമി പോലും ഇല്ലാത്ത അദ്ദേഹത്തിന്റെ കുടുംബത്തിന് സഹായവുമായി എത്തിയിരിക്കുകയാണ് ഇപ്പോൾ പ്രശസ്ത തെന്നിന്ത്യൻ നടിയായ സുമലത. അദ്ദേഹത്തിന്റെ കുടുംബത്തിന്റെ അവസ്ഥ അറിഞ്ഞ സുമലത അരയേക്കർ ഭൂമിയാണ് ഈ കുടുംബത്തിനായി വാഗ്ദാനം ചെയ്തത്.

ഈ അടുത്തിടെയാണ് സുമലതയുടെ ഭർത്താവും പ്രശസ്ത നടനുമായിരുന്ന അംബരീഷ് അന്തരിച്ചത്. കര്‍ണാടകയുടെ മകള്‍ എന്ന നിലയിലും മാണ്ഡ്യയുടെ മരുമകള്‍ എന്ന നിലയിലും ആണ് താൻ ഗുരുവിന്റെ കുടുംബത്തിന് ഭൂമി വാഗ്ദാനം ചെയ്തത് എന്നാണ് സുമലത പറയുന്നത്. ഒട്ടേറെ സൂപ്പർ ഹിറ്റ് ചിത്രങ്ങളിലൂടെ സുമലത മലയാളികൾക്ക് പ്രീയപ്പെട്ട നടിയാണ്. മോഹൻലാൽ- പദ്മരാജൻ ടീമിന്റെ ക്ലാസിക് ചിത്രമായ തൂവാനത്തുമ്പികളിലെ ക്ലാര എന്ന കഥാപാത്രമാണ് സുമലതയെ ഇന്നും മലയാളികളുടെ ഇടയിൽ ഏറെ പോപ്പുലർ ആകുന്ന കഥാപാത്രം എന്ന് പറയാം. മമ്മൂട്ടിയോടൊപ്പം അഭിനയിച്ച ഒട്ടേറെ ചിത്രങ്ങളും സുമലതക്ക് ഉണ്ട്. താഴ്‌വാരം, ശ്യാമ, നിറക്കൂട്ട്, ന്യൂ ഡൽഹി, നായർ സാബ് തുടങ്ങിയ ചിത്രങ്ങളിലെ  ഈ നടിയുടെ പ്രകടനം ഏറെ പ്രശംസ നേടിയിരുന്നു. മലയാളം, തമിഴ്, കന്നഡ, തെലുങ്കു, ഹിന്ദി തുടങ്ങിയ ഭാഷകളിൽ ഒട്ടേറെ ചിത്രങ്ങളിൽ നായികയായിരുന്നു സുമലത.

Did you find apk for android? You can find new Free Android Games and apps.
Share.

About Author

mm