കഴിഞ്ഞ ദിവസം ഇറങ്ങിയ രാമലീലയുടെ പോസ്റ്റർ ഏറെ ചർച്ചയായിരുന്നു. അച്ഛന്റെ ശ്രാദ്ധത്തിന് ഏതാനും മണിക്കൂറുകൾ മാത്രമായി ദിലീപ് കുറച്ച് ദിവസങ്ങൾക്ക് മുമ്പ് ജയിലിൽ നിന്ന് പുറത്തിറങ്ങിയിരുന്നു. ഇതിനെ അനുസ്മരിപ്പിക്കുന്ന രീതിയിൽ ഇന്നലെ രാമലീലയുടെ പുതിയ പോസ്റ്റർ ഇറങ്ങി. ദിലീപ് ബലിയർപ്പിക്കുന്ന ചിത്രമായിരുന്നു ഈ പോസ്റ്ററിൽ ഉണ്ടായിരുന്നത്.
യാദൃശ്ചികമായി വന്നതാണെങ്കിലും ഇത് രാമലീലയുടെ പ്രൊമോഷനെ നല്ല രീതിയിൽ ഉപകരിച്ചിട്ടുണ്ട്. നടിയെ ആക്രമിച്ച ഗൂഢാലോചന കേസിൽ കുറ്റാരോപിതനായി ഇപ്പോഴും ജയിലിൽ കഴിയുകയാണ് ദിലീപ്.
നവാഗതനായ അരുൺ ഗോപി സംവിധാനം ചെയ്യുന്ന രാമലീല ഈ മാസം 28 ന് റിലീസ് ചെയ്യുകയാണ്. കഴിഞ്ഞ ദിവസം പുറത്തിറങ്ങിയ രാമലീലയിലെ ഒരു ഗാനവും ഇതിനോടകം ജനശ്രദ്ധ നേടിയിട്ടുണ്ട്.
ഏറെ ആകാംക്ഷയോടെയാണ് സിനിമാലോകം രാമലീലയുടെ റിലീസിനെ നോക്കിക്കാണുന്നത്. ജനപ്രിയ താരമായിരുന്ന ദിലീപിന്റെ രാമലീല ഏത് രീതിയിൽ ആയിരിക്കും തിയറ്ററുകളിൽ നിന്നും പ്രതികരണം ഉണ്ടാവുക എന്നത് പ്രവചനാതീതമായ ഒരു കാര്യമാണ്. അതിനിടക്കാണ് ഇന്നലെ പുറത്തിറക്കിയ പോസ്റ്റർ ഏറെ ചർച്ചയാവുന്നത്.
ദിലീപ് സ്വകാര്യജീവിതത്തിൽ നേരിടുന്ന പ്രശ്‌നങ്ങൾ സിനിമയിലേത് പോലെയാണോ എന്ന സംശയവും ഇതിനോടകം പ്രചരിച്ചിട്ടുണ്ട്.
