ആദ്യമായി പ്രണയം തോന്നിയ പെൺകുട്ടിയുടെ പേര് വെളിപ്പെടുത്തി പൃഥ്വിരാജ് സുകുമാരൻ

Advertisement

മലയാളത്തിന്റെ യുവ സൂപ്പർ താരമായ പൃഥ്വിരാജ് സുകുമാരൻ ഇപ്പോൾ അഭിനയത്തിൽ നിന്ന് ഇടവേളയെടുത്തിരിക്കുകയാണ്. ബ്ലെസ്സി ഒരുക്കുന്ന ആട് ജീവിതത്തിനു വേണ്ടി ശരീര ഭാരം കുറക്കുന്നതിന് വേണ്ടിയാണു പൃഥ്വിരാജ് മൂന്നു മാസം ബ്രേക്ക് എടിത്തിരിക്കുന്നതു. തൊണ്ണൂറു കിലോക്ക് മുകളിൽ ഭാരം ഉണ്ടായിരുന്ന പൃഥ്വിരാജ് ഇപ്പോൾ 75 കിലോയോളം ആയി തന്റെ ഭാരം കുറച്ചു കഴിഞ്ഞു. ഇപ്പോൾ ഈ ഇടവേള സമയത്തു കുടുംബത്തോട് ഒപ്പം സമയം ചെലവിടാനും അതുപോലെ തന്റെ ഏറ്റവും പുതിയ ചിത്രമായ ഡ്രൈവിംഗ് ലൈസൻസിന്റെ പ്രമോഷൻ പരിപാടികളിൽ പങ്കെടുക്കാനും ആണ് പൃഥ്വിരാജ് ശ്രമിക്കുന്നത്. പൃഥ്വിരാജ് കൂടി നിർമ്മാണ പങ്കാളി ആയ ഈ ചിത്രം ഇപ്പോൾ വലിയ വിജയം ആണ് നേടുന്നത്. ഇതിന്റെ പ്രമോഷന്റെ ഭാഗമായി റെഡ് എഫ് എമ്മിന് നൽകിയ അഭിമുഖത്തിൽ തന്റെ ആദ്യ പ്രണയം ഏതെന്നു വെളിപ്പെടുത്തിയിരിക്കുകയാണ് പൃഥ്വിരാജ്.

തനിക്കു ആദ്യമായി പ്രണയം തോന്നിയ പെൺകുട്ടി ഇന്ത്യക്കാരി അല്ലെന്നും ആ കുട്ടിയുടെ പേര് ജൂൺ എന്നാണെന്നും പൃഥ്വിരാജ് പറയുന്നു. ഓസ്‌ട്രേലിയയിൽ പഠിക്കാൻ പോയപ്പോൾ അവിടെ വെച്ച് ആണ് ഈ പ്രണയം തോന്നിയത് എന്നും പൃഥ്വിരാജ് പറയുന്നു. അത് മാറ്റി നിർത്തിയാൽ തന്റെ ഫസ്റ്റ് ലവ് ഇപ്പോഴും സിനിമ ആണെന്നും അത് കഴിഞ്ഞേ സുപ്രിയ പോലും വരൂ എന്നും പൃഥ്വിരാജ് വിശദീകരിച്ചു. ഇത് താൻ സുപ്രിയയോടും പറഞ്ഞിട്ടുണ്ട് എന്നും പൃഥ്വിരാജ് പറഞ്ഞു. തനിക്കു ഏറ്റവും പേടി തന്റെ മകളെ ആണെന്നും താൻ ഏറ്റവും കൂടുതൽ വൈകാരികമായി ദുര്ബലനാവുന്നത് മകൾ സങ്കടപ്പെടുമ്പോൾ ആണെന്നും പൃഥ്വിരാജ് വെളിപ്പെടുത്തി. സച്ചി ഒരുക്കിയ അയ്യപ്പനും കോശിയും ആണ് പൃഥ്വിരാജ് നായകനായി എത്തുന്ന അടുത്ത റിലീസ്.

Advertisement
Advertisement

Copyright © 2017 onlookersmedia.

Press ESC to close