മധുരനാരങ്ങ എന്ന സിനിമയിലൂടെ മലയാളികൾക്ക് സുപരിചിതയായ പാർവതി രതീഷ് വിവാഹിതയായി.90കളിൽ വില്ലൻ വേഷങ്ങളിൽ ശ്രദ്ധേയനായ രതീഷിന്റെ മകളാണ് പാർവതി.
ദുബായിയിൽ എമിറേറ്റ്സ് ബാങ്കിൽ ഉദ്യോഗസ്ഥനായ മിലുവാണ് വരൻ. കോഴിക്കോട് ആശീർവാദ് ലോൺസിൽ നടന്ന വിവാഹചടങ്ങിൽ സിനിമാമേഖലയിലെ നിരവധി പ്രമുഖർ പങ്കെടുത്തു.ഇന്ന് രാവിലെ 10 നും 10.50 നും ഇടയിലുള്ള മുഹൂർത്തത്തിൽ നടന്ന ചടങ്ങിൽ നിരവധി സിനിമാപ്രവർത്തകർ ആണ് പങ്കെടുത്തത്. നിർമാതാവായ സുരേഷ് കുമാറും മേനക സുരേഷും രക്ഷിതാക്കളായി നിന്ന് കൊണ്ടാണ് ചടങ്ങ് നിയന്ത്രിച്ചത്. വരൻ മിലുവിന് പാർവതിയുടെ കൈ പിടിച്ചേല്പിച്ചത് സുരേഷ് കുമാറാണ്.
ചടങ്ങിൽ പങ്കെടുക്കാൻ നടൻ സുരേഷ് ഗോപി കുടുംബസമേതം എത്തിയിരുന്നു. ജലജ, വിധുബാല, സുരാജ് വെഞ്ഞാറംമൂട്, സുധീഷ്, ലിബര്‍ട്ടി ബഷീര്‍ തുടങ്ങി സിനിമമേഖലയിലെ നിരവധി പേരാണ് വധു വരന്‍മാര്‍ക്ക് ആശംസ അര്‍പ്പിയ്ക്കാന്‍ എത്തിയത്.
