മോഹന്‍ലാലിനെ നായകനാക്കി പരസ്യ സംവിധായകന്‍ വിഎ ശ്രീകുമാര്‍ മേനോന്‍ സംവിധാനം ചെയ്യുന്ന ഒടിയന്‍റെ ഷൂട്ടിങ്ങ് അടുത്ത ശനിയാഴ്ച ബനാറസില്‍ ആരംഭിക്കുകയാണ്.
മാണിക്യന്‍ എന്ന ഒടിയന്‍റെ വേഷത്തിലാണ് മോഹന്‍ലാല്‍ എത്തുന്നത്. സിനിമയ്ക്ക് വേണ്ടി 15 കിലോ ആണ് മോഹന്‍ലാല്‍ കുറയ്ക്കുന്നത്. മെലിഞ്ഞു സുന്ദരനായ മാണിക്യന്‍റെ രൂപം ഒടിയന് ഫസ്റ്റ് ലുക്ക് പോസ്റ്ററിലൂടെ പുറത്തു വിട്ടിരുന്നു.
മോഹന്‍ലാലിന്‍റെ ആ മെയിക്കോവര്‍ തന്നെ ഏറെ ശ്രദ്ധ നേടിയതാണ്. വ്യത്യസ്ഥ ഗെറ്റപ്പുകളിലാണ് മോഹന്‍ലാല്‍ ഈ ചിത്രത്തില്‍ വരുക എന്നാണ് സിനിമ മേഖലയില്‍ നിന്നും ലഭിക്കുന്ന വാര്‍ത്തകള്‍.
ഇരുപത് വയസ്സ് മുതല്‍ 50 വയസ്സ് വരെയുള്ള മാണിക്യന്‍റെ രൂപത്തിലാണ് മോഹന്‍ലാല്‍ ചിത്രത്തില്‍ എത്തുക.
ആഗസ്റ്റ് 30 വരെയാണ് ബനാറസില്‍ ഒടിയന്‍റെ ഷൂട്ടിങ്ങ് ഉണ്ടാകുക. സെപ്തംബര്‍ 6 മുതല്‍ രണ്ടാം ഘട്ട ചിത്രീകരണം പാലക്കാട് ആരംഭിക്കും.
