Wednesday, April 24

ടോവിനോ തോമസിന്റെ പുതിയ ചിത്രം കിലോമീറ്റർസ് ആൻഡ് കിലോമീറ്റർസ്; ആശംസകളുമായി മോഹൻലാൽ..!

Google+ Pinterest LinkedIn Tumblr +
Want create site? Find Free WordPress Themes and plugins.

യുവ താരം ടോവിനോ തോമസിന്റെ പുതിയ ചിത്രമായ കിലോമീറ്റർസ് ആൻഡ് കിലോമീറ്റർസിന്റെ ടൈറ്റിൽ പോസ്റ്റർ ഇന്ന് റിലീസ് ചെയ്തു. മലയാളത്തിന്റെ താര ചക്രവർത്തിയായ മോഹൻലാൽ ആണ് ഈ ചിത്രത്തിന്റെ ടൈറ്റിൽ ലോഞ്ച് തന്റെ ഒഫീഷ്യൽ ഫേസ്ബുക്ക് പേജിലൂടെ ചെയ്തത്. കുഞ്ഞു ദൈവം എന്ന ചിത്രമൊരുക്കി ഏറെ ശ്രദ്ധ നേടിയ ജിയോ ബേബി രചനയും സംവിധാനവും നിർവഹിച്ച ഈ ചിത്രം നിർമ്മിച്ചിരിക്കുന്നത് ടോവിനോ തോമസും ഗോപി സുന്ദറും സിനു സിദ്ധാർഥും രാംഷിയും ചേർന്നാണ്. ടോവിനോയുടെ ആദ്യ നിർമ്മാണ സംരംഭമാണ് ഈ ചിത്രം.

Tovino’s Kilometers and Kilometers

മഴ പെയ്യുന്നു മദ്ദളം കൊട്ടുന്നു എന്ന സൂപ്പർ ഹിറ്റ് മോഹൻലാൽ- പ്രിയദർശൻ ചിത്രത്തിൽ മോഹൻലാലിന്റെ ഒരു കിടിലൻ കോമഡി ഡയലോഗ് തുടങ്ങുന്നത് തന്നെ കിലോമീറ്റർസ് ആൻഡ് കിലോമീറ്റർസ് എന്നാണ്. ലാലേട്ടൻ തന്നെ ഈ ചിത്രത്തിന്റെ ടൈറ്റിൽ ലോഞ്ച് ചെയ്തത് വലിയ ഒരു അംഗീകാരം ആണെന്നും അതിനു അദ്ദേഹത്തോട് ഏറെ നന്ദി പറയുന്നു എന്നും ടോവിനോ തോമസ് തന്റെ ഫേസ്ബുക്ക് പേജിൽ കുറിച്ചു. താൻ ഈ അടുത്ത കാലത്ത് കേട്ടിട്ടുള്ളത്തിൽ വെച്ചു ഏറ്റവും നല്ല തിരക്കഥയാണ് ഈ സിനിമക്ക് ഉള്ളതെന്നും ഇതിന്റെ ചിത്രീകരണം താൻ ഏറെ ആസ്വദിച്ചു എന്നും ടോവിനോ പറഞ്ഞു. ഗോപി സുന്ദർ സംഗീതം ഒരുക്കിയ ഈ ചിത്രത്തിന് ക്യാമറ ചലിപ്പിക്കുന്നത് സിനു സിദ്ധാർഥ് ആണ്‌. 

Did you find apk for android? You can find new Free Android Games and apps.
Share.

About Author

mm