Wednesday, January 16

മെഗാസ്റ്റാറിന് നന്ദി പറഞ്ഞു മോഹൻലാലും പൃഥ്വിരാജും ; ലൂസിഫർ ടീസർ മെഗാ മാസ്സ് ഹിറ്റ്…!

Google+ Pinterest LinkedIn Tumblr +
Want create site? Find Free WordPress Themes and plugins.

മലയാളത്തിന്റെ താര ചക്രവർത്തിയായ മോഹൻലാൽ നായകനായ ലൂസിഫറിന്റെ ആദ്യ ടീസർ ഇന്ന് റിലീസ് ചെയ്തു. യുവ സൂപ്പർ താരം പൃഥ്വിരാജ് സുകുമാരൻ ആദ്യമായി സംവിധാനം ചെയ്ത ഈ ചിത്രത്തിന്റെ ടീസർ മെഗാ സ്റ്റാർ മമ്മൂട്ടി ആണ് തന്റെ ഒഫീഷ്യൽ ഫേസ്ബുക് പേജിലൂടെ റിലീസ് ചെയ്തത്. തങ്ങളുടെ ചിത്രത്തിന്റെ ടീസർ റിലീസ് ചെയ്തതിനു ഇപ്പോൾ മോഹൻലാലും പൃഥ്വിയും മമ്മൂട്ടിയോട് നന്ദി പറഞ്ഞിരിക്കുകയാണ്. മമ്മൂട്ടിയുടെ ഒഫീഷ്യൽ ഫേസ്ബുക് പേജിൽ ലൂസിഫർ ടീസറിന് താഴെ ആണ് ഇവർ നന്ദി പറഞ്ഞു കമന്റ് ഇട്ടിരിക്കുന്നത്. റീലീസ് ചെയ്തു നിമിഷങ്ങൾക്കകം തന്നെ ലൂസിഫർ ടീസർ സോഷ്യൽ മീഡിയയിൽ മെഗാ മാസ്സ് ഹിറ്റായി മാറി കഴിഞ്ഞു. ടീസറിലെ മോഹൻലാലിൻറെ ഡയലോഗും ലുക്കും എല്ലാം വൈറൽ ആയി കഴിഞ്ഞു എന്ന് തന്നെ പറയാം.

മുരളി ഗോപി തിരക്കഥ രചിച്ച ഈ ചിത്രം നിർമ്മിച്ചത് ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ ആണ്. ദീപക്  ദേവ് ഒരുക്കിയ കിടിലൻ പശ്ചാത്തല സംഗീതവും സുജിത് വാസുദേവിന്റെ ഗംഭീര ഫ്രേമുകളും ഈ ടീസറിനെ കിടിലനാക്കിയിട്ടുണ്ട്. ഈ ചിത്രത്തിൽ  ഒരു നിർണ്ണായക വേഷം ചെയ്യുന്ന സംവിധായകൻ ഫാസിലിന്റെ ഡയലോഗും ടീസറിൽ കേൾക്കാം. അടുത്ത വർഷം മാർച്ച് 28 നു റിലീസ് ചെയ്യാൻ പോകുന്ന ഈ ചിത്രത്തിന്റെ ജോലികൾ ഇപ്പോൾ പുരോഗമിക്കുകയാണ്. മഞ്ജു വാര്യർ, ഇന്ദ്രജിത്, ടോവിനോ, വിവേക് ഒബ്‌റോയ്, കലാഭവൻ ഷാജോൺ, നൈല ഉഷ, സാനിയ, ബാല, നന്ദു, സച്ചിൻ കടേക്കർ, ജോൺ വിജയ് തുടങ്ങി ഒരു വലിയ താര നിര തന്നെ ഈ ചിത്രത്തിൽ ഉണ്ട്. 

Did you find apk for android? You can find new Free Android Games and apps.
Share.

About Author

mm