പടം കഴിഞ്ഞപ്പോൾ നസീർ എന്നെ പേടിപ്പിച്ചു; മമ്മൂട്ടി പറയുന്നു

Advertisement

മെഗാസ്റ്റാർ മമ്മൂട്ടി നായകനായി എത്തുന്ന ഏറ്റവും പുതിയ ചിത്രമായ റോഷാക്കിന്റെ പ്രമോഷന്റെ ഭാഗമായി ഇന്ന് നടന്ന പ്രസ് മീറ്റിൽ മമ്മൂട്ടി പറഞ്ഞ കാര്യങ്ങൾ ഏറെ ശ്രദ്ധ നേടുകയാണ്. താൻ പുതുതായി ആരംഭിച്ച മമ്മൂട്ടി കമ്പനി എന്ന സിനിമാ നിർമ്മാണ ബാനറിൽ മമ്മൂട്ടി തന്നെ നിർമ്മിക്കുന്ന രണ്ടാമത്തെ ചിത്രമാണ് റോഷാക്ക്. സ്വയം നിർമ്മിക്കുന്ന ചിത്രത്തിന്റെ കാസ്റ്റിംഗ് കാര്യങ്ങളിൽ ഇടപെടാറുണ്ടോ എന്നായിരുന്നു മമ്മൂട്ടിയോട് ഒരാൾ ചോദിച്ചത്. അതിന് മമ്മൂട്ടി പറഞ്ഞ മറുപടി, അതൊക്കെ തീരുമാനിക്കുന്നത് സംവിധായകൻ ആണെന്നും താനല്ല എന്നുമാണ്. കഥാപാത്രത്തിന് ചേർന്ന കലാകാരന്മാരെ അവരാണ് തീരുമാനിക്കുന്നതെന്നും, അവർക്ക് ഒരാൾ അല്ലെങ്കിൽ മറ്റൊരാൾ എന്ന രീതിയിലുള്ള ഓപ്‌ഷൻസ് ഉണ്ടെന്നും മമ്മൂട്ടി വെളിപ്പെടുത്തി.

ഈ ചിത്രത്തിൽ തന്നെ ഒരു കഥാപാത്രമായി കോട്ടയം നസീറിനെ കാസ്റ്റ് ചെയ്തപ്പോൾ തനിക്ക് നല്ല പേടി ഉണ്ടായിരുന്നു എന്നും, പക്ഷെ പടം കഴിഞ്ഞപ്പോൾ നസീർ തന്നെ പേടിപ്പിച്ചു എന്നും മമ്മൂട്ടി പറയുന്നു. അത്ര മികച്ച രീതിയിലാണ് കോട്ടയം നസീർ തന്റെ വേഷം ചെയ്തത് എന്നാണ് മമ്മൂട്ടി സൂചിപ്പിക്കുന്നത്. ഇതിൽ അഭിനയിച്ച കലാകാരന്മാർ എല്ലാവരും സംവിധായകന്റെ ആദ്യത്തെ ചോയ്സ് തന്നെയായിരുന്നു എന്നും മമ്മൂട്ടി കൂട്ടിച്ചേർത്തു. ആസിഫ് അലിയെ നായകനാക്കി കെട്ട്യോളാണെന്റെ മാലാഖ എന്ന ചിത്രം സംവിധാനം ചെയ്ത നിസാം ബഷീർ ഒരുക്കിയ രണ്ടാമത്തെ ചിത്രമാണ് റോഷാക്ക്. സമീർ അബ്ദുൾ തിരക്കഥ രചിച്ച ഈ ചിത്രത്തിൽ, മമ്മൂട്ടി, കോട്ടയം നസീർ എന്നിവർ കൂടാതെ ഷറഫുദീൻ, ജഗദീഷ്, ഗ്രേസ് ആന്റണി, ബിന്ദു പണിക്കർ, സഞ്ജു ശിവറാം, എന്നിവരും പ്രധാന വേഷങ്ങൾ അവതരിപ്പിച്ചിട്ടുണ്ട്.

Advertisement

Advertisement

Copyright © 2017 onlookersmedia.

Press ESC to close