ഷൂട്ടിംഗ് തീരുന്നതിനു മുൻപേ രാജക്കു കട്ട് ഔട്ട് ഒരുക്കാൻ മമ്മൂട്ടി ഫാൻസ്‌..!

Advertisement

പുലി മുരുകൻ എന്ന മോഹൻലാൽ ചിത്രം നേടിയ ഗംഭീര വിജയത്തിന് ശേഷം ഹിറ്റ് മേക്കർ വൈശാഖ് മമ്മൂട്ടിയെ നായകനാക്കി ഒരുക്കുന്ന ചിത്രമാണ് മധുര രാജ. പുലി മുരുകൻ രചിച്ച ഉദയ കൃഷ്ണ തന്നെ തിരക്കഥ രചിച്ചിരിക്കുന്നു ഈ ചിത്രം നിർമ്മിക്കുന്നത് നെൽസൺ ഐപ്പ് ആണ്. വമ്പൻ ബഡ്ജറ്റിൽ ഒരുങ്ങുന്ന ഈ ചിത്രത്തിന്റെ രണ്ടു ഷെഡ്യൂളുകൾ ഇപ്പോൾ തീർന്നു കഴിഞ്ഞു. ഡിസംബർ ഇരുപതിന്‌ ഇതിന്റെ മൂന്നാം ഷെഡ്യൂൾ ആരംഭിക്കും എന്നാണ് വൈശാഖ് കഴിഞ്ഞ  ദിവസം അറിയിച്ചത്. എന്നാൽ ഷൂട്ടിംഗ് പോലും തീരുന്നതിനു മുൻപ് തന്നെ രാജയെ വരവെക്കാൻ കട്ട് ഔട്ട് ഒരുക്കുകയാണ് മമ്മൂട്ടി ഫാൻസ്‌. കോട്ടയം ഈരാറ്റുപേട്ടയിൽ ഉള്ള മമ്മൂട്ടി ഫാൻസ്‌ ആണ് റിലീസ് തീയതി പോലും നിശ്ചയിക്കാത്ത ഈ ചിത്രത്തിന് വേണ്ടി കട്ട് ഔട്ട് ഒരുക്കുന്നത്.

അടുത്ത വർഷം ഈദ്  റിലീസ് ആയി ഈ ചിത്രം എത്തും എന്ന സൂചന ഉണ്ടെങ്കിലും ഒഫീഷ്യൽ ആയി അത് സ്ഥിതീകരിച്ചിട്ടില്ല. പുലി മുരുകൻ, ഒടിയൻ, ഇരുപത്തിയൊന്നാം നൂറ്റാണ്ട് എന്നീ ചിത്രങ്ങൾക്ക് സംഘട്ടനം ഒരുക്കിയ പീറ്റർ ഹെയ്‌ൻ ആണ് മധുര രാജക്കു വേണ്ടിയും സംഘട്ടനം ഒരുക്കുന്നത്.  മധുര രാജയായി കിടിലൻ ലുക്കിൽ പ്രത്യക്ഷപ്പെടുന്ന മമ്മൂട്ടിയുടെ ലൊക്കേഷൻ ചിത്രങ്ങൾ നേരത്തെ  തന്നെ സോഷ്യൽ മീഡിയയിൽ വൈറൽ ആയി കഴിഞ്ഞിരുന്നു. ഷാജി കുമാർ ഈ ചിത്രത്തിന് കാമറ ചലിപ്പിക്കുമ്പോൾ എഡിറ്റിംഗ് നിർവഹിക്കുന്നത് ജോൺകുട്ടി ആണ്. ജഗപതി ബാബു, മിഴ് യുവ താരം ജയ്, സിദ്ദിഖ്, വിജയ രാഘവൻ, അനുശ്രീ, മഹിമ നമ്പ്യാർ. ഷംന കാസിം, നെടുമുടി വേണു, ആർ കെ സുരേഷ്, അജു വർഗീസ്, ബിജു കുട്ടൻ, ധർമജൻ, നോബി, ബാല, മണിക്കുട്ടൻ, കൈലാഷ്, ബാലചന്ദ്രൻ ചുള്ളിക്കാട്, ബൈജു എഴുപുന്ന, എം ആർ ഗോപകുമാർ, ജയൻ ചേർത്തല, സന്തോഷ് കീഴാറ്റൂർ എന്നിവരാണ് ഈ ചിത്രത്തിലെ മറ്റു പ്രധാന താരങ്ങൾ.

Advertisement
Advertisement

Copyright © 2017 onlookersmedia.

Press ESC to close