ലുസിഫെർ എന്റർടൈന്മെന്റ് സിനിമകളുടെ രാജാവായിരിക്കും എന്ന് നിർമ്മാതാവ്..!

Advertisement

താര ചക്രവർത്തി മോഹൻലാലിനെ നായകനാക്കി യുവ സൂപ്പർ താരം പൃഥ്വിരാജ് സുകുമാരൻ ഒരുക്കിയ ലുസിഫെർ എന്ന ചിത്രം ഈ വരുന്ന മാര്ച്ച് 28 ന് ലോകം മുഴുവൻ റീലീസ് ചെയ്യാൻ ഒരുങ്ങുകയാണ്. മുരളി ഗോപി തിരക്കഥ രചിച്ച ഈ ചിത്രം നിർമ്മിച്ചിരിക്കുന്നത് ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ ആണ്. ബിഗ് ബജറ്റിൽ ഒരുക്കിയിരിക്കുന്ന ഈ ചിത്രത്തെ കുറിച്ച് നിർമ്മാതാവ് ആന്റണി പെരുമ്പാവൂർ പറയുന്നത് ലുസിഫെർ എന്റർടൈന്മെന്റ് സിനിമകളുടെ രാജാവ് ആയിരിക്കും എന്നാണ്. മോഹൻലാൽ എന്ന നടനെ ഇത്ര സ്റ്റൈലിഷ് ആയി ഈ അടുത്ത കാലത്ത് ആരും അവതരിപ്പിചിട്ടില്ല എന്നും ആന്റണി പറയുന്നു.

വളരെ ചടുലമായ രീതിയിൽ നീങ്ങുന്ന ഈ ചിത്രത്തിലെ സംഭാഷണങ്ങളും കയ്യടി നേടുമെന്നും ആന്റണി പറഞ്ഞു. അനാവശ്യമായ ഒറ്റ ഷോട്ട് പോലും ഈ ചിത്രത്തിൽ ഇല്ല എന്നും ഒറ്റ എം മിസ്കാസ്റ്റിംഗ് പോലും ചിത്രത്തിൽ ഇല്ല എന്നും അദ്ദേഹം പറയുന്നു. ഏതായാലും വലിയ പ്രതീക്ഷകൾക്ക് നടുവിൽ ആണ് ലുസിഫെർ റിലീസിന് എത്തുന്നത്. ഒരു മലയാള സിനിമ നേടുന്ന എക്കാലത്തെയും ഏറ്റവും വലിയ റീലീസ് ആയിരിക്കും ഈ ചിത്രം എന്നാണ് സൂചന. മഞ്ജു വാര്യർ നായികാ വേഷത്തിൽ എത്തുന്ന ഈ ചിത്രത്തിൽ ടോവിനോ തോമസ്, ഇന്ദ്രജിത്ത് സുകുമാരൻ, വിവേക് ഒബ്രോയ്‌ എന്നിവരും അഭിനയിക്കുന്നുണ്ട്. ഇവരുടെ പോസ്റ്ററുകൾ ഇപ്പോഴേ പ്രേക്ഷകരുടെ ഇടയിൽ തരംഗമായി കഴിഞ്ഞു. സുജിത് വാസുദേവ് കാമറ ചലിപ്പിച്ച ഈ ചിത്രം എഡിറ്റ് ചെയ്തത് സംജിത് മുഹമ്മദും ഇതിനു സംഗീതം ഒരുക്കിയത് ദീപക് ദേവും ആണ്.

Advertisement
Advertisement

Copyright © 2017 onlookersmedia.

Press ESC to close