ശിഷ്യന്റെ ചിത്രത്തിൽ മാസ്സ് ലുക്കിൽ ഗുരു; ടിനു പാപ്പച്ചന്റെ സ്വാതന്ത്ര്യം അർദ്ധരാത്രിയിൽ എന്ന ചിത്രത്തിൽ മാസ്സ് കഥാപാത്രം ആയി ലിജോ ജോസ് പെല്ലിശ്ശേരി..!

Advertisement

ഈ സീസണിൽ പ്രേക്ഷകർ ഏറ്റവും കൂടുതൽ കാത്തിരിക്കുന്ന ഒരു ചിത്രമാണ് സ്വാതന്ത്ര്യം അർദ്ധരാത്രിയിൽ. നവാഗതനായ ടിനു പാപ്പച്ചൻ സംവിധാനം ചെയ്ത ഈ ചിത്രത്തിലെ നായകൻ അങ്കമാലി ഡയറീസിലൂടെ ശ്രദ്ധേയനായ ആന്റണി വർഗീസ് ആണ്. ആന്റണിയുടെ രണ്ടാമത്തെ ചിത്രം എന്ന നിലയിൽ വലിയ ശ്രദ്ധ നേടിയ ചിത്രത്തിന് ട്രൈലെർ കൂടി വന്നതോടെ വമ്പൻ ഹൈപ്പ് ആണ് കേറിയിരിക്കുന്നതു.

ലിജോ ജോസ് പെല്ലിശ്ശേരിയുടെ സംവിധാന സഹായി ആയിരുന്നു ഈ ചിത്രമൊരുക്കിയ ടിനു പാപ്പച്ചൻ. ടിനുവിന്റെ ആദ്യ ചിത്രത്തിൽ തന്നെ ലിജോ ജോസ് പെല്ലിശ്ശേരി അഭിനയിച്ചിട്ടും ഉണ്ടെന്നതാണ് ഈ ചിത്രത്തിന്റെ ഒരു പ്രത്യേകത. ഒരു മാസ്സ് കഥാപാത്രമായി കിടിലൻ ലുക്കിലാണ് ലിജോ ജോസ് പെല്ലിശ്ശേരി ഈ ചിത്രത്തിൽ അഭിനയിച്ചിരിക്കുന്നത്. അതിഥി വേഷം ആണെങ്കിലും ഗംഭീരമായ ഒരു റോൾ ആണ് ലിജോ ഈ ചിത്രത്തിൽ ചെയ്യുന്നതെന്ന സൂചന ട്രൈലെർ തരുന്നുണ്ട്.

Advertisement

ഒരു വക്കീൽ ആയാണ് ലിജോ ജോസ് ഈ ചിത്രത്തിൽ അഭിനയിക്കുന്നത്. ഇതിനു മുൻപേ സപ്തമശ്രീ തസ്കരാഃഹ, മായാനദി എന്നീ ചിത്രങ്ങളിൽ ലിജോ ജോസ് പെല്ലിശേരി അഭിനയിച്ചിട്ടുണ്ട്. ദിലീപ് കുര്യൻ തിരക്കഥ ഒരുക്കിയ ഈ ചിത്രത്തിൽ വിനായകൻ, ചെമ്പൻ വിനോദ് എന്നിവരും നിർണ്ണായക വേഷത്തിൽ എത്തിയിട്ടുണ്ട്. ഈ ചിത്രത്തിന്റെ സഹ നിർമ്മാതാവ് കൂടിയാണ് ലിജോ ജോസ് പെല്ലിശ്ശേരി.

സൂര്യ സിനിമയുടെ ബാനറിൽ ബി സി ജോഷി, ആർ ഡി ഇല്ല്യൂമിനേഷന്റെ ബാനറിൽ ബി ഉണ്ണികൃഷ്ണൻ എന്നിവരും നടനും രചയിതാവുമായ ചെമ്പൻ വിനോദും ഈ ചിത്രത്തിന്റെ നിർമ്മാതാക്കൾ ആണ്. ഗിരീഷ് ഗംഗാധരൻ കാമറ ചലിപ്പിച്ച ഈ ചിത്രം എഡിറ്റ് ചെയ്തത് ഷമീർ മുഹമ്മദും, ഇതിലെ ഗാനങ്ങൾക്ക് ഈണം പകർന്നത് ജേക്സ് ബിജോയും ആണ്. ദീപക് അലക്സാണ്ടർ ആണ് ഈ ചിത്രത്തിന് പശ്ചാത്തല സംഗീതം ഒരുക്കിയിരിക്കുന്നത്.

Advertisement

Copyright © 2017 onlookersmedia.

Press ESC to close