Monday, December 10

ആട് 3 വരുന്നു, ഇത്തവണ ഷാജി പാപ്പന്‍ എത്തുന്നത് 3Dയില്‍

Google+ Pinterest LinkedIn Tumblr +
Want create site? Find Free WordPress Themes and plugins.

ആട് തരംഗം ഇപ്പൊഴും പ്രേക്ഷകരുടെ മനസില്‍ നിന്നും മാറിയിട്ടില്ല. ആദ്യ ഭാഗം പരാജയപ്പെട്ടെങ്കിലും വമ്പന്‍ കലക്ഷനാണ് ആടിന്‍റെ രണ്ടാം ഭാഗം ഇറങ്ങിയപ്പോള്‍ തിയേറ്ററുകളില്‍ നിന്നും ലഭിച്ചത്.

ആട് ആരാധകര്‍ക്ക് സന്തോഷം നല്‍കുന്ന മറ്റൊരു വാര്‍ത്തയാണ് ഇപ്പോള്‍ ലഭിക്കുന്നത്. ആടിന് മൂന്നാം ഭാഗം ഒരുങ്ങുന്നു. ഇത്തവണ 3ഡിയില്‍ ആണ് ചിത്രം ഒരുങ്ങുന്നത്. ആടിലെ കഥാപാത്രങ്ങള്‍ എല്ലാം ആട് 3യിലും ഉണ്ടാകും.

ഫ്രൈഡേ ഫിലിം ഹൌസിന്‍റെ ബാനറില്‍ വിജയ് ബാബു തന്നെയാണ് ആട് 3 നിര്‍മ്മിക്കുന്നത്. മിഥുന്‍ മാനുവല്‍ തോമസ് തന്നെ തിരക്കഥയും സംവിധാനവും കൈകാര്യം ചെയ്യും.

2019 ക്രിസ്തുമസ് റിലീസ് ആയി ചിത്രം തിയേറ്ററില്‍ എത്തിക്കാനാണ് അണിയറ പ്രവര്‍ത്തകര്‍ ശ്രമിക്കുന്നത്

2015ല്‍ ആണ് ആട് ഒരു ഭീകര ജീവിയാണ് തിയേറ്ററുകളില്‍ എത്തുന്നത്. വലിയ പ്രതീക്ഷയോടെ വന്ന ചിത്രം പക്ഷേ തിയേറ്ററുകളില്‍ തകര്‍ന്നടിഞ്ഞു. പിന്നീട് ചിത്രത്തിന്‍റെ ഡിവിഡി റിലീസോടെ ആടിന് പ്രേക്ഷകര്‍ക്കിടയില്‍ ‘കള്‍ട്ട്’ സ്റ്റാറ്റസ് വന്നു ചേര്‍ന്നു. ആടിലെ കോമഡി രംഗങ്ങള്‍ ഒക്കെ സോഷ്യല്‍ മീഡിയയില്‍ തരംഗം തീര്‍ത്തു. ആടിന് ലഭിച്ച ഈ സ്വീകാര്യതയാണ് ആടിന്‍റെ രണ്ടാം ഭാഗം ഒരുക്കാന്‍ അണിയറ പ്രവര്‍ത്തകരെ പ്രേരിപ്പിച്ചത്.

കഴിഞ്ഞ വര്‍ഷം ഡിസംബര്‍ 22നു റിലീസ് ചെയ്ത ആട് 2 ജയസൂര്യയുടെ കരിയറിലെ ഏറ്റവും വലിയ ഹിറ്റായി മാറി.

Did you find apk for android? You can find new Free Android Games and apps.
Share.

About Author

mm