Thursday, October 18

ഹേ ജൂഡ് കാരക്റ്റർ പോസ്റ്റർ ശ്രദ്ധ നേടുന്നു; ആദ്യമെത്തിയത് സിദ്ദിഖിന്റെ പോസ്റ്റർ..!

Google+ Pinterest LinkedIn Tumblr +
Want create site? Find Free WordPress Themes and plugins.

നിവിൻ പോളിയെ നായകനാക്കി ശ്യാമ പ്രസാദ് സംവിധാനം ചെയ്ത ചിത്രമാണ് ഹേ ജൂഡ്. തെന്നിന്ത്യൻ താര സുന്ദരി തൃഷ ആദ്യമായി മലയാളത്തിൽ അഭിനയിച്ച ഈ ചിത്രം ഫെബ്രുവരി രണ്ടു മുതൽ പ്രദർശനം ആരംഭിക്കുകയാണ്. ഈ ചിത്രത്തിന്റെ ട്രൈലെർ കുറച്ചു നാൾ മുൻപേ റിലീസ് ചെയ്യുകയും മികച്ച പ്രേക്ഷക ശ്രദ്ധ നേടി എടുക്കുകയും ചെയ്തിരുന്നു. നിവിൻ പോളി ടൈറ്റിൽ കഥാപാത്രമായ ജൂഡ് എന്ന കഥാപാത്രം ആയി എത്തുന്ന ഈ ചിത്രത്തിലെ മറ്റു കഥാപാത്രങ്ങളെ പരിചയപ്പെടുത്തുന്ന കാരക്റ്റർ പോസ്റ്ററുകൾ എത്തി തുടങ്ങി. ഇതിൽ ആദ്യമായി എത്തിയത് സിദ്ദിഖ് അവതരിപ്പിക്കുന്ന ഡൊമിനിക് ആൽഡോ റോഡ്രിഗസ് എന്ന കഥാപാത്രത്തിന്റെ പോസ്റ്റർ ആണ്. നിവിൻ പോളി അവതരിപ്പിക്കുന്ന ജൂഡ് എന്ന കഥാപാത്രത്തിന്റെ അച്ഛൻ ആയാണ് സിദ്ദിഖ് ഈ ചിത്രത്തിൽ അഭിനയിക്കുന്നത്.

അമ്പലക്കര ഗ്ലോബൽ ഫിലിംസിന്റെ ബാനറിൽ അനിൽ കുമാർ നിർമ്മിച്ചിരിക്കുന്ന ഈ ചിത്രം ഇ ഫോർ എന്റർടൈൻമെന്റ് ആണ് വിതരണം ചെയ്യുന്നത്. ഒരു മ്യൂസിക്കൽ കോമഡി ആയാണ് ഹേ ജൂഡ് ഒരുക്കിയിരിക്കുന്നത് എന്നാണ് റിപ്പോർട്ടുകൾ പറയുന്നത്. ഈ ചിത്രത്തിന് വേണ്ടി നിവിൻ പോളി തന്റെ ശരീര ഭാരം വർധിപ്പിച്ചിരുന്നു. വിജയ് മേനോൻ, അജു വര്ഗീസ് , നീന കുറുപ്പ് എന്നിവരും ഈ ചിത്രത്തിൽ അഭിനയിക്കുന്നുണ്ട്. നിർമ്മൽ സഹദേവ് ആണ് ഈ ചിത്രം രചിച്ചിരിക്കുന്നത്. രാഹുൽ രാജ്, ഔസേപ്പച്ചൻ, ഗോപി സുന്ദർ, എം ജയചന്ദ്രൻ തുടങി നാല് സംഗീത സംവിധായകർ ചേർന്നാണ് ഈ ചിത്രത്തിന് സംഗീതം ഒരുക്കിയിരിക്കുന്നത്.

Did you find apk for android? You can find new Free Android Games and apps.
Share.

About Author

mm