3 ദിവസമായി യൂടൂബ് ട്രെന്‍റിങ്ങില്‍ ഒന്നാമനായി “ജിമിക്കി കമ്മല്‍” ഗാനം

Advertisement

ഇന്ന്‍ സ്കൂള്‍-കോളേജുകളില്‍ ഏറെ തരംഗം സൃഷ്ടിച്ചു കൊണ്ടിരിക്കുന്ന ഗാനമാണ് വെളിപാടിന്‍റെ പുസ്തകത്തിലെ “എന്‍റമ്മേടെ ജിമിക്കി കമ്മല്‍”. ഷാന്‍ റഹ്മാന്‍റെ മനോഹര സംഗീതത്തില്‍ വിനീത് ശ്രീനിവാസനും രഞ്ജിത് ഉണ്ണിയുമാണ് ഈ ഗാനം ആലപിച്ചിരിക്കുന്നത്.

യൂടൂബില്‍ ഗാനം റിലീസ് ചെയ്ത ദിനം മുതല്‍ യൂടുബ് ട്രെന്‍റിങ്ങില്‍ ഒന്നാം സ്ഥാനത്ത് തന്നെ നിലനില്‍ക്കുകയാണ് ഈ ഗാനം. 11 ലക്ഷത്തില്‍ അധികം ആളുകളാണ് ഇതുവരെ ഈ ഗാനം കണ്ടത്.

Advertisement

മോഹന്‍ലാലിനെ നായകനാക്കി ആദ്യമായ് ലാല്‍ ജോസ് സംവിധാനം ചെയ്യുന്ന ചിത്രമാണ് വെളിപാടിന്‍റെ പുസ്തകം. അത് കൊണ്ട് തന്നെ പ്രേക്ഷകര്‍ക്ക് സിനിമയിലുള്ള പ്രതീക്ഷകള്‍ ഏറെയാണ്.

അങ്കമാലി ഡയറീസിലെ അപ്പാനി രവി എന്ന കഥാപാത്രം ചെയ്ത ശരത് കുമാര്‍, ആനന്ദം ഫെയിം അരുണ്‍ കുര്യന്‍, രേഷ്മ രാജന്‍, സലീം കുമാര്‍ തുടങ്ങിയവരാണ് ചിത്രത്തിലെ മറ്റ് പ്രധാന താരങ്ങള്‍.

ഗാനത്തെ ആവേശത്തോടെ സ്വീകരിച്ച ആരാധകര്‍ക്ക് നന്ദി പറഞ്ഞു കൊണ്ട് മോഹന്‍ലാലും രംഗത്ത് എത്തിയിരുന്നു.

ആശീര്‍വാദ് സിനിമാസിന്‍റെ ബാനറില്‍ ആന്‍റണി പെരുമ്പാവൂര്‍ നിര്‍മ്മിക്കുന്ന ചിത്രം ഓണം റിലീസായി തിയേറ്ററുകളില്‍ എത്തും.

Advertisement

Copyright © 2017 onlookersmedia.

Press ESC to close