Wednesday, November 22

ചെമ്പരത്തി പൂവിലെ രസികൻ കാരക്ടർ ഇൻട്രോ പോസ്റ്ററുകൾ സിനിമ പ്രേമികളെ ആകർഷിക്കുന്നു..

Google+ Pinterest LinkedIn Tumblr +
Want create site? Find Free WordPress Themes and plugins.

നവാഗതനായ അരുൺ വൈഗ രചനയും സംവിധാനം ചെയ്ത റൊമാന്റിക് കോമഡി എന്റെർറ്റൈനെർ ആണ് ചെമ്പരത്തി പൂവ്. ആസിഫ് അലിയുടെ അനുജനും ഹണി ബീ 2.5 എന്ന ചിത്രത്തിലൂടെ മലയാള സിനിമയിൽ ഈ വര്ഷം അരങ്ങേറ്റം കുറിച്ച നായകനുമായ അസ്‌കർ അലിയാണ് ചെമ്പരത്തി പൂവിലെ നായകൻ.

അദിതി രവി, പാർവതി അരുൺ എന്നിവർ നായികാ വേഷത്തിൽ എത്തുന്ന ഈ ചിത്രത്തിന്റെ മനോഹരമായ പോസ്റ്ററുകൾ ആദ്യം മുതൽ ജനശ്രദ്ധ നേടിയിരുന്നു. ഇപ്പോഴിതാ ചിത്രത്തിലെ കഥാപാത്രങ്ങളുടെ കാരക്റ്റർ ഇൻട്രോ പോസ്റ്ററുകളും സിനിമ പ്രേമികളുടെ ശ്രദ്ധ ആകർഷിക്കുന്നു.

അജു വർഗീസ് അവതരിപ്പിക്കുന്ന മത്തായി എന്ന കഥാപാത്രത്തിന്റെയും അതുപോലെ തന്നെ ധർമജൻ അവതരിപ്പിക്കുന്ന അടിപൊളി രതീഷ് എന്ന കഥാപാത്രത്തിന്റെയും പോസ്റ്ററുകൾ ഇപ്പോൾ പുറത്തു വിട്ടിരിക്കുന്നത്.

ചങ്കു പറിച്ചു കയ്യിൽ കൊടുത്താലും എന്ന പോസ്റ്റർ ക്യാപ്ഷൻ യുവാക്കളുടെ ശ്രദ്ധ വളരെയേറെ ഈ ചിത്രത്തിന് നേടി കൊടുക്കുന്നുണ്ട് എന്ന് നിസംശ്ശയം പറയാൻ സാധിക്കും. ഡ്രീം സ്ക്രീൻസിന്റെ ബാനറിൽ ഭുവനേന്ദ്രൻ, സക്കറിയ എന്നിവർ നിർമ്മിച്ച ഈ ചിത്രത്തിലെ ഒരു ഗാനവും റിലീസ് ചെയ്തിരുന്നു.

പ്രേക്ഷകർ മികച്ച അഭിപ്രായം പങ്കു വെക്കുന്ന ഈ ഗാനം ആലപിച്ചത് വിനീത് ശ്രീനിവാസനും ഇതിനു സംഗീതം നൽകിയത് രാകേഷ് ആറുമാണ്. സന്തോഷ് അനിമ ഛായാഗ്രഹണം നിരവഹിച്ചിരിക്കുന്ന ഈ ചിത്രത്തിൽ ഒരു യുവാവിന്റെ ജീവിതത്തിൽ രണ്ടു പെൺകുട്ടികൾ കടന്നു വരുമ്പോൾ ഉണ്ടാകുന്ന സംഭവങ്ങൾ ആണ് ആവിഷ്കരിച്ചിരിക്കുന്നത് എന്നാണ് റിപ്പോർട്ടുകൾ സൂചിപ്പിക്കുന്നത് .

Did you find apk for android? You can find new Free Android Games and apps.
Share.

About Author

mm