Tuesday, March 19

ഷാരൂഖിനെയും വീഴ്ത്തി ജനപ്രിയ നായകൻ; ബാലൻ വക്കീലിന്റെ വേഷം ചെയ്യാനൊരുങ്ങി കിംഗ്‌ ഖാനും

Google+ Pinterest LinkedIn Tumblr +
Want create site? Find Free WordPress Themes and plugins.

സൂപ്പർ വിജയം നേടി മുന്നേറുന്ന മലയാള ചിത്രമായ കോടതി സമക്ഷം ബാലൻ വക്കീൽ ഇനി ബോളിവുഡിലേക്ക് പോവുകയാണ്. ജനപ്രിയ നായകൻ ദിലീപ് നായകനായ ഈ ഫാമിലി ത്രില്ലെർ ചിത്രം രചിച്ചു സംവിധാനം ചെയ്തത് ബി ഉണ്ണികൃഷ്ണൻ ആണ്. ബോളിവുഡ് നിർമ്മാണ വിതരണ കമ്പനിയായ വയാകോം മോഷൻ പിക്ചേഴ്സ് ആദ്യമായി മലയാളത്തിൽ നിർമ്മിച്ച ചിത്രം കൂടിയാണ് കോടതി സമക്ഷം ബാലൻ വക്കീൽ. ഇവർ വഴി ബോളിവുഡ് സൂപ്പർ താരം ഷാരൂഖ് ഖാൻ  ഈ ചിത്രത്തെ കുറിച്ച് അറിയുകയും ഇതിലെ കേന്ദ്ര കഥാപാത്രത്തെയും ഇതിന്റെ തിരക്കഥയും ഏറെ ഇഷ്ട്ടപെട്ട അദ്ദേഹം ഈ ചിത്രം ഹിന്ദിയിലേക്ക് റീമേക് ചെയ്യാനുള്ള താല്പര്യം കാണിക്കുകയും ചെയ്തു എന്നാണ് സൂചന. വിക്കുള്ള ബാലകൃഷ്ണൻ എന്ന വക്കീൽ ആയാണ് ദിലീപ് ഈ സിനിമയിൽ അഭിനയിച്ചിരിക്കുന്നത്.

ദിലീപ് ആദ്യമായാണ് വിക്കൻ ആയി അഭിനയിച്ചത് എങ്കിലും ഷാരൂഖ് ഖാൻ മുൻപും ഇത്തരം വേഷം ചെയ്തിട്ടുണ്ട്. സൂപ്പർ ഹിറ്റായ ഡർ  എന്ന ചിത്രത്തിൽ ആണ് അദ്ദേഹം വിക്കൻ ആയി അഭിനയിച്ചിട്ടുള്ളത്. ആ ചിത്രം കേരളത്തിലും പ്രേക്ഷകർ ഏറെ സ്വീകരിച്ച ചിത്രങ്ങളിൽ ഒന്നാണ്. ഏതായാലും കഴിഞ്ഞ ദിവസം റിലീസ് ചെയ്ത കോടതി സമക്ഷം ബാലൻ വക്കീൽ കുടുംബ പ്രേക്ഷകരുടെ പിന്തുണയോടെ വമ്പൻ വിജയമാണ് നേടുന്നത്. ബോളിവുഡിൽ ഇപ്പോൾ തുടർ പരാജയങ്ങൾ ഏറ്റു വാങ്ങുന്ന ഷാരുഖ് ഖാന് ഈ ചിത്രത്തിന്റെ ഹിന്ദി റീമേക് ഒരു വലിയ വിജയം സമ്മാനിക്കുമോ എന്ന ആകാംക്ഷയിൽ ആണ് ആരാധകർ. മമത മോഹൻദാസ് നായികാ വേഷത്തിൽ എത്തിയ കോടതി സമക്ഷം ബാലൻ വക്കീലിൽ കയ്യടി നേടിയ മറ്റൊരു താരം സിദ്ദിഖ് ആണ് . 

Did you find apk for android? You can find new Free Android Games and apps.
Share.

About Author

mm