Saturday, November 17

ഡബിൾ റോളിൽ ഞെട്ടിക്കാൻ തല അജിത്… വിശ്വാസം ഒരുങ്ങുന്നു..

Google+ Pinterest LinkedIn Tumblr +
Want create site? Find Free WordPress Themes and plugins.

തമിഴിൽ ഏറ്റവുമധികം ആരാധകരുള്ള സൂപ്പർതാരങ്ങളിലൊരാളായ തല അജിത് വീണ്ടും നായകനായി എത്തുന്നു. അദ്ദേഹത്തിന്റെ ഏറ്റവും പുതിയ ചിത്രം വിശ്വാസം അണിയറയിൽ ഒരുങ്ങുകയാണ്. അജിത്തിന്റെ മുൻപ് പുറത്തിറങ്ങിയ ചിത്രങ്ങളൊരുക്കിയ ശിവ തന്നെയാണ് ഈ ചിത്രവും സംവിധാനം ചെയ്യുന്നത്. ഇരുവരും മുൻപ് ഒന്നിച്ചു ചെയ്ത വീരം വേതാളം തുടങ്ങിയവ ബോക്സോഫീസിൽ വലിയ ചലനം സൃഷ്ടിച്ച് വലിയ വിജയമായവയാണ്. എന്നാൽ കഴിഞ്ഞ വർഷം പുറത്തിറങ്ങിയ ഇരുവരുടേയും കൂട്ടുകെട്ടിൽ പിറന്ന മൂന്നാം ചിത്രം വിവേഗം ബോക്സ് ഓഫീസിൽ പരാജയമായി മാറിയിരുന്നു. എന്തായാലും ചിത്രത്തിലൂടെ നേരിട്ട പരാജയത്തെ മറികടന്ന് ശക്തമായ ഒരു തിരിച്ചുവരവിന് ഒരുങ്ങുകയാണ് അജിത്തും ശിവയും വിശ്വാസത്തിലൂടെ.

ചിത്രത്തിന്റെ ഷൂട്ടിംഗ് ഈ മാസം ആദ്യം ആരംഭിച്ചിരുന്നു. മുൻ ചിത്രങ്ങൾ പോലെ തന്നെ ആക്ഷനും മാസങ്ങൾക്കും ഏറെ പ്രാധാന്യം നൽകിയൊരുക്കിയ ഒരു തട്ടുപൊളിപ്പൻ ചിത്രം തന്നെയായിരിക്കും വിശ്വാസവും. ചിത്രത്തിൽ അജിത് ഡബിൾ റോളിൽ എത്തുന്നുവെന്ന വാർത്ത കൂടി ഇപ്പോൾ പുറത്തുവന്നിരിക്കുകയാണ്. വർഷങ്ങൾക്കുശേഷമാണ് അജിത്ത് വീണ്ടുമൊരു ഇരട്ട വേഷത്തിൽ എത്തുന്നത് എന്നത് ആരാധകരുടെ ആവേശം ഇരട്ടിയാക്കും. ചിത്രത്തിനായി വളരെ വലിയ മെക്കോവറാണ് അജിത് കുമാർ നടത്തുക. ചിത്രത്തിലെ നായികയായി എത്തുന്നത് നയൻതാരയാണ്. ഡി. ഇമ്മൻ ചിത്രത്തിനായി സംഗീതം ഒരുക്കുന്നു. ഷൂട്ടിംഗ് പൂർത്തിയാക്കി ചിത്രം അടുത്തവർഷം ആദ്യം പൊങ്കലിന് റിലീസിനെത്തും.

Did you find apk for android? You can find new Free Android Games and apps.
Share.

About Author

mm