മഹേഷിന്റെ പ്രതികാരം, ജോ ആൻഡ് ജോ, മിന്നൽ മുരളി,ഷഫീക്കിന്റെ സന്തോഷം, ജാനേ മൻ, ജയ ജയ ജയ ഹേ, പ്രിയൻ ഓട്ടത്തിലാണ്, തുടങ്ങി നിരവധി ചിത്രങ്ങളിൽ അഭിനയിച്ച് മലയാളി പ്രേക്ഷകർക്ക് സുപരിചിതനായ നടൻ ഹരീഷ് പേങ്ങൻ അന്തരിച്ചു. എറണാകുളത്തെ അമൃത ആശുപത്രിയിൽ ചികിത്സയിലിരിക്കവയാണ് മരണം സംഭവിച്ചത്.
വയറുവേദനയെ തുടർന്ന് ആശുപത്രിയിൽ പ്രവേശിക്കുകയും തുടർന്ന് കരോൾ സംബന്ധമായ അസുഖമാണെന്ന് തിരിച്ചറിയുകയും ശേഷം വിദഗ്ധ ചികിത്സ ഡോക്ടർമാർ ആവശ്യപ്പെടുകയും ചെയ്തിരുന്നു. കരൾ ദാനം ചെയ്യാൻ ഹരീഷിന്റെ ഇരട്ട സഹോദരി തയ്യാറായിരുന്നുവെങ്കിലും സാമ്പത്തികമായി പിന്നോക്കം നിൽക്കുന്ന കുടുംബത്തിന് ഓപ്പറേഷൻ ചെയ്യാനുള്ള പണം കണ്ടെത്താൻ ആയിരുന്നില്ല. തുടർന്ന് സിനിമ മേഖലയിലുള്ളവർവഴി സമൂഹമാധ്യമങ്ങളിലൂടെ നടൻറെ ഇപ്പോഴത്തെ അവസ്ഥ വെളിപ്പെടുത്തിയിരുന്നു.
താരത്തിന്റെ നിര്യാണത്തിൽ മുഖ്യമന്ത്രി പിണറായി വിജയൻ മാധ്യമങ്ങളിലൂടെ അനുശോചനം രേഖപ്പെടുത്തിയിട്ടുണ്ട് .മലയാളം സിനിമയിൽ നിരവധി കഥാപാത്രങ്ങൾ ചുരുങ്ങിയ കാലയളവുകൊണ്ട് വളരെ തന്മയത്വത്തോടുകൂടി അഭിനയിച്ച കലാകാരൻ ആയിരുന്നു ഹരീഷ് പേങ്ങൻ. വളരെ കുറച്ച് സ്ക്രീൻ സ്പേസ് മാത്രമേ പല ചിത്രങ്ങളിലും ഉണ്ടായിരുന്നുള്ളൂവെങ്കിലും ലഭിച്ച പല വേഷങ്ങളും അദ്ദേഹം മികവുറ്റതാക്കിയിരുന്നു. മലയാള സിനിമയിലെ പ്രമുഖരും അദ്ദേഹത്തിൻറെ വിയോഗത്തിൽ അനുശോചനം സോഷ്യൽ മീഡിയയിലൂടെ രേഖപ്പെടുത്തിയിട്ടുണ്ട്
