ബഹിഷ്കരണങ്ങളെ കാറ്റിൽ പറത്തിയ വിജയം; 200 കോടിയിലേക്ക് ബ്രഹ്മാസ്ത്ര

Advertisement

ഈ കഴിഞ്ഞ വെള്ളിയാഴ്ചയാണ് ഇന്ത്യൻ സിനിമയിലെ ഏറ്റവും വലിയ ചിത്രമെന്ന വിശേഷണത്തോടെ ബോളിവുഡ് ചിത്രം ബ്രഹ്മാസ്ത്ര റിലീസ് ചെയ്തത്, അയാൻ മുഖർജി സംവിധാനം ചെയ്ത ഈ ചിത്രത്തിൽ രൺബീർ കപൂർ, ആലിയ ഭട്ട് എന്നിവരാണ് പ്രധാന വേഷങ്ങൾ ചെയ്തത്. അമിതാബ് ബച്ചൻ, നാഗാർജുന എന്നിവരും അഭിനയിച്ച ഈ ചിത്രത്തിൽ അതിഥി താരമായി ഷാരൂഖ് ഖാനും എത്തിയിരുന്നു. സമ്മിശ്ര പ്രതികരണമാണ് ഈ ചിത്രം നേടിയതെങ്കിലും, ബിഗ് സ്‌ക്രീനിൽ പ്രേക്ഷകരെ വിസ്‍മയിപ്പിക്കുന്ന ദൃശ്യങ്ങൾ സമ്മാനിച്ച ബ്രഹ്മാസ്ത്ര ബോക്സ് ഓഫീസിൽ വമ്പൻ പ്രകടനമാണ് നടത്തുന്നത്. ആദ്യ രണ്ടു ദിനം കൊണ്ട് തന്നെ 150 കോടിയോളം ആഗോള കളക്ഷൻ നേടിയ ഈ ചിത്രം ആദ്യ വീക്കെൻഡിൽ തന്നെ ഇരുനൂറ് കോടിയെന്ന ആഗോള ഗ്രോസ് മാർക്ക് പിന്നിട്ടു എന്നാണ് ട്രേഡ് റിപ്പോർട്ടുകൾ സൂചിപ്പിക്കുന്നത്. ഇന്ത്യയിലും വിദേശത്തും ഗംഭീര പ്രകടനമാണ് ഈ ചിത്രം കാഴ്ച വെക്കുന്നത്.

ഇന്ത്യൻ മിത്തോളജിയിലെ കഥകളെ ആസ്‍പദമാക്കി അതിൽ ഫിക്ഷനും കൂട്ടികലർത്തിയൊരുക്കിയ ഈ ചിത്രം ബഹിഷ്കരിക്കണം എന്ന ആഹ്വാനവുമായി സോഷ്യൽ മീഡിയയിൽ പ്രചരണം നടത്തിയവർ ഉണ്ടായിരുന്നു. ഏതായാലും എല്ലാ ബഹിഷ്കരണങ്ങളെയും കാറ്റിൽ പറത്തുന്ന വിജയമാണ് ഈ ചിത്രം നേടുന്നത്. മൂന്നു ഭാഗങ്ങളായി പുറത്ത് വരുന്ന ഈ ചിത്രത്തിന്റെ ആദ്യ ഭാഗമായ ബ്രഹ്മാസ്ത്ര- ഭാഗം 1- ശിവ എന്ന ചിത്രമാണ് ഇപ്പോൾ റിലീസ് ചെയ്തിരിക്കുന്നത്. ആദ്യ ഭാഗത്തിന്റെ അവസാനം തന്നെ രണ്ടാം ഭാഗത്തിന്റെ ടൈറ്റിൽ കൂടി അണിയറപ്രവർത്തകർ പ്രഖ്യാപിച്ചിട്ടുണ്ട്. ബ്രഹ്മാസ്ത്ര- ഭാഗം 2 – ദേവ എന്നാണ് ഈ സീരിസിലെ രണ്ടാം ചിത്രത്തിന്റെ പേര്. 400 കോടി മുതൽ മുടക്കിലാണ് ഈ ചിത്രം ഒരുക്കിയിരിക്കുന്നത്.

Advertisement
Advertisement

Copyright © 2017 onlookersmedia.

Press ESC to close